性。愛。8號波

條目：少咸多趣齊 have fun（樂而不淫、少鹽多 fun）

今天下午又打雷又下雨，有人問會不會影響你心情。我說不會，雨天有雨天的心情，晴天有晴天的心情。如果找到雨天的好，那麽你好心情的日子會比人多。其實在狂風暴雨天我心情都不壞，尤其是8號風球時，我心情會亢奮。

你問雨天有什麼好？我想應該是比較有興致做愛，而且有更多人有同樣興致。不是空談，我是從科學化的觀察、實踐、歸納、分析，得出的初步而未經證實、其實又不用認真證實的個人總結。

八月份那個8號風球高懸而不用上班的早上，無論在什麼 App，哪個 Website，單憑肉眼掃描已發現出現頻率最高的字眼包括：Horny Now, FUN Anyone? Typhoon Fun, Who's Nearby? Chill Fun Together, Morning Wood NOW Have Place, Quick fun this morning, Right Now 等等。

我深信此時是驗證假設推論的最佳時機。我懷著此牽強至幾乎不能原諒自己的虛偽理由，決定實地親身參了解。分析了整個過程、將出現過情況的歸納、分類而得出總結，再用想像及推敲方式，在腦中編織出當時的情境是：

很多人當時1手拿著手機，在已下載的交友 App 交替穿梭，進行對人肉的搜尋，有部分原本註明 Friends Only, For LTR , No Fun, Not Looking, Not for Now 的人，紛紛暫時修改、更新或刪除相關描述；另1手則拿著 remote control 密切收看或收聽最新電台或電視的天氣情況。

同時右腦及左腦，分別主管記憶及創意的思考區域不斷快速交差應用，為了能夠達致 have fun 這個目標，而作出最快速、準確、有效、妥善的各種即時判斷，包括但不限於：

1. 估計尚有多少時間 have fun；

2. 比較如果風暴持續到下午2時之前或之後，對於have fun 計劃的可能影響，並搜尋記憶區中的相關經驗，推算出各種可能性；

3. 聚精匯神，主動出擊，尋找當時最有機會而符合個人各方面期望的人選（s）＊中文名詞沒有複數，暫以英文輔助。同時視覺與聽覺處於高度警覺狀態，當察覺有回應或者受到突襲，即被人主動撩、或者聊天時，迅速作出精準確回應（或不回應、刪除、或Block）

4. 每當相關人選出現，快速輸入數據、並同時啟動記憶及思考區域，盤算因應當時交通及路面情況，在現有名單上為對方或自己以漸次倒序排除方式，暫時剔除當時不可行的方案，再篩選出最可能達致 have fun 的方案及人選；

5. 另邊廂，立即作出準備，列出各項在 have fun 之後需要馬上處理的事情，如：上班的最有效快速方法、相關衣著、下午用膳安排以及原本在早上需完成或下午已安排的工作清單等，隨之而來急需要處理的事項；

6. 處理器高速運轉的同時，左腦創意思考區立即啟動，估算如果 have fun 情況可能較理想，因而持續至比預定較長的時間，或者因為某些不確定因素推遲完結時間，之後需要創作出一個合理、令人信服及易於接受的理由或藉口，又以什麼形式向公司提出遲到或請假申請，以及相關後續跟進；

7. 與此同時，儘管室外狂風暴雨，但眾人因為受到各種外來感管刺激而蕉氣勃勃，在以上各項程序在同一時間高速運算及進行之時，每當有任何一隻手正處於空閒狀態，立即緊握身體突然充血澎漲的部位，以快速而有節奏，高頻率的上下或左右、前前後後、又磨又擰、又打圈又撞擊，暫時對充血澎漲部位進行按摩及安撫，令繃緊的海棉體及軟組織得以暫時舒緩；

8. 在舒解海棉體澎漲壓力之時，不忘密切留意時間以及最新風暴消息，評估一下 have fun 計劃會否因為某些因素未能理想地進展及完善配合，需要放棄及告吹。經評估之後如尚有時間及機會，再不斷交錯循環以上各項程序，以盡快達致 have fun 的目標；

9. 到最後如果確定當時 have fun 計劃需要擱置，心裡因為失望、氣忿，或者因為被拒絕、或綜合性非人為的客觀因素受阻而令計劃告吹，所產生複合性負面情緒，而不能自控地爆出一個「」！（或英語Fuck！）字之後，需要冷靜地以重要性及迫切性比較，決定以下兩項後續事宜的先後進行次序。

10. 其一，是否先控制負面情緒及壓抑性慾，冷靜分析仍有可能 have fun 的方案或人選，套入不同時間、日期、地點、情況等評估因素，然後重複進行上述各項相關程序，以達致下一9個最快可能的 have fun 的時間。其實以球賽的慣用語「擇日重賽」已經可以表達。

11。其二，如果情慾太過高漲，而未能受到控制，同時估計可能因應各客觀或主觀因素，最主要是個人因素，令達致 have fun 方案的時間會較長、或者機會不致渺茫但很微，決定首先暫停所有已進行程序，即是「斬攬」，而決定以打飛機亦即是自慰方式，解決當時心理及生理上，極需解決的需要。但同時首先要評估可供進行的時間，再決定以哪個形式完成、以及衡量需否加入任何輔助刺激，以達致基本及理論上應該可以、但事實未必次次可以、因射精而產生的快感。有關輔助刺激，包括了但不限於：睇 porn、睇咸相、邀請他人進行性愛視頻、邀請他人進行 phone sex、主動與能令佢產生性慾的人士以文字訊息或電話交談、由左腦創意思考區創造性幻想的構思或畫面或情況、由右腦記憶思考區搜尋過往經歷中能引發性慾的影象、聲音、畫面。。。（下略）

我承認，當日以上情況雖不全部但部份曾經在我身上出現。

我亦承認，越寫越長越難埋尾，最後變成爛尾而草草收場。

同時亦因為打字已經開始十分緩慢，因為由原來雙手而變成單手，其中一隻手因為需要向現正因充血而脹大的部位進行舒緩性按摩，呢個係額頭，因為有啲頭痛，同暈。。。

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

搵工一定要Perm，搵人只可係Long Term？

條目：求愛如求職？倒轉你就識（情場職場原來好似樣）

上網識朋友或者搵relationship，就好似搵工一樣。好多人認為，搵到份permanent job 穩定長工就最理想，正如 LTR。不過呢個只係其中一種工作形式，請唔好鄙視同睇低其他人嘅工作。

有啲人因為個別原因、個人喜好、或者暫時失業 in between jobs，做住 freelance、temp job、時薪臨時工等，就好似 causal sex date, NSA fun, 打散砲等。

又有啲人正職在身、個人事忙等原因，只容許做到 part-time 兼職，不過相對穩定及長期，就似 SP sex partner, sex buddy 隨時可以走人嘅性伴侶關係。

睇真啲，大家都係打份工，只係名義、形式、性質上稍有不同吧！

但好多人就諗唔通，以為搵正職、做長工先算正統正派、有前途又地位高，就連contract based 合約長工都不屑一顧。對於做 temp job, part-time 嘅人，嫌人哋冇出息、冇大志、玩玩吓、唔為前途打算。

情況好似上網識人時，有啲人以 Not For FUN, LTR Only, NO FUN 自居，為自己戴上自以為是嘅道德光環；其他人就非我族類，對別人亂扣帽子。

喂喂喂！清醒啲！可能人哋都想搵正職做長工，只係好耐都搵唔到，冇辦法暫時做住 temp job 先。另外有人選擇做 part-time，唔代表不務正業，可能用更多時間發展更高尚情操、更有意義事情呢！

雖然你胸懷大志，非 perm job 不做、非 LTR 不要、其他一切免問！並不代表與聖潔高尚掛上等號，你可美其名“擇善固執”，但本質上，固執就係不懂變通，以及無謂。別人可能厚道唔批評你，或者根本唔 care，故你亦唔好胡亂標籤別人。人哋都可以恥笑你搵極都搵唔到 LTR，長期失業喎！不過有冇呢！

係，你嘅情況就如長期失業，不過除咗個人因素，亦受自身際遇及外在環境影響，或者暫時市場上未有一份啱你嘅筍工。何不放低身段，放下成見，留意吓 有冇合適 temp job, part-time，如覺得紆尊降貴、委屈及冇面，係你個人問題、冇人咁樣睇你。

而且暫時做住temp，可能會係一個機會！話唔定某Forbes 500 跨國企業，暫時未有空缺、或者請人謹慎，叫你做住part-time或試工先，但見你勤力又落力，可能急急轉你做長工呢！

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

佔中見真情

條目：Love Actually 其實愛（懂了愛、才懂去愛、才懂愛）

佔中見真情

Love is what we now can see

寫於：9月 29日 - 佔領運動發生第二日

呢兩晚瞓唔安食唔落。不過尋晚都已比前晚好得多，身處灣仔仍傳來金鐘政總嘅鼎沸人聲、告士打道又放催淚彈“嘭嘭嘭”、警車消防救護車成晚“遮菇遮菇”、臨天光時仲有直昇機低飛表演... 真係10小時立體身歷聲。想我點呀？

到尋晚，暴風雨前夕應有嘅安寧都俾 Whatsapp 同Facebook 發放嘅堅料、流料、放料嘈醒。瞓唔到，不如步署吓如果坦克車碌過嚟，究竟匿埋間屋扮死屍好吖，定係走落街同人群一齊衝去向銅鑼灣，咁樣死好似壯烈啲同有型。仲有人陪。

諗起「有人陪」三個字，雙手嘅不隨意肌就會自動攞部手機出嚟，不自覺但好刻意咁 log in 你依家都正在上緊嘅 Grindr , Jackd , Manhunt 等。附近綠色亮燈 on duty 人士，除咗熟悉但唔會打招呼嘅街坊之外，仲有唔少未見過嘅生口面。

你又生口面，佢又生口面，你睇吓佢，佢睇吓我，see & be seen 一輪之後，Viewed By 個 list 就自然長咗好多。有啲已經打哂卡咁改埋名叫：佔緊中、佔中ing、雞蛋與羔羊、海闊天空... 隔籬幾多米嗰啲，我估都唔會喺ZOO啩。而且除咗參與佔中嘅人，亦有人正在開工，默默緊守岡位。

此時此刻，此情此境，突然有種他鄉遇故知嘅情懷。自動地 Say 聲Hi, 但之前冇理會過對方有冇相、幾多歲、底定面？

而開場白，亦唔再係半夜三更時嗰啲 Still up? Why so late? Not sleeping? 等既反智又難答嘅問題。

慣常而最基本嘅必問題 What are you looking for? 亦冇問，因為自己都唔識答，平時習慣以 Anything 求其耍人。但依家looking for 咩嘢？

公義？前途？抗爭？未來？其實，簡簡單單一句 Everything 更加貼切。呢個Everything，包括你、我、他。

隔空閒聊，看似不著邊際：講吓政總依家現場情況、又講吓新聞有啲咩進展、其他區有咩發生、瞓吓街其實都幾涼爽、風平浪靜冇嘢做，睇見你寫咁多字正好打發時間。。。同樣係隨意閒扯，內容卻不覺得空洞，而且真實。

同時跟幾個人單獨聊天，但感覺每個人都唔同，好似更加立體真實，或者可以講，更似佢自己本人。雖然，有人仍然貫徹始終用乳頭做眼睛、肚臍做嘴巴，但講嘅說話，比較似用個心去講，唔係肺。

有人仍然係擺一張風景相，但我哋 NPSC “S for Still” 。我唔強迫唔追問，你唔想，我亦唔會勉強要，因為大家都係因為拒絕強權脅迫而走出嚟表態，而自己卻成日做强人所難嘅事，講得通咩？

第一次細心去欣賞一張張風景相，發覺原來看似耍你、唔認真、唔尊重人、令你好討厭嘅風景相，更能了解到對方嘅背景、性格、過去、想法、甚至理想。佢可能係想你睇到呢啲嘢，而唔係身體。

而其他人一張一張面照、身照、器官照，你的確一覽無遺咁睇到，但只係睇到佢嘅表面，唔知道佢係咩嘢人，亦冇講過佢內心任何一個故事。

一夜無眠大家靜觀其變，雖叫無驚無險，但事情更添變數，更難猜度 。天已亮，要返工嘅就返屋企沖涼換衫、有啲請咗假就返屋企瞓一陣，今晚再來。而我嘅撤退大計，當然仲未步署好，但太眼瞓嘞，睇吓個鐘應該可以瞓多3個鐘，瞓醒再算。

大家萍水相逢，留唔留contact 其實都冇所謂，呢一刻好似突然睇得通透：有心要搵你嘅，點都會搵到；而冇心嘅，佢可能在 contact list 求其俾個靈位安置你，佢係每日都見到，但唔會有一句問候。

輕鬆道別，不留痕跡。處身今日唔知聽日事嘅時世，最後送你一句 Good Luck。

但諗番起又有啲諷刺，好多時人哋同你講咗句：Sorry, not match ! 之後，然後你忿忿不平贈番一句： Fine, thanks. GOOD LUCK ! 而佢亦禮尚往來： You too !! 然後鬥快 Block 對方，殺之而後快。

而呢句 Good Luck, 充滿怨恨、嫉妒、憤慨、咒詛，奇毒無比。講得出口，自己聽番都不禁心寒。

但今日我哋大家互祝呢一句Good Luck，講出咗說話嘅原意、真意，同大家嘅真心：

Hey, you will be fine. Good luck!

Thanks, you too!

Take care

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

其實愛，本來就簡單

條目：Love Actually 其實愛（懂了愛、才懂去愛、才懂愛）

其實愛，人皆有之、與生俱來、天賦本性。很簡單：真、善、美。

男男圈子裡，你我他每分每秒尋情覓愛。為了愛，勇者無懼、不惜一切、橫衝直撞、前仆後繼、精盡人亡、死而後已。

未曾深愛已無情。殘酷洗禮是必經階段：不安、苦惱、愁煩、疑慮、困惑、失落、怨忿、嫉妒、憎恨…… 只為你好，讓你練就金剛不壞之身。

記得起，打從第一天起，情路上跌跌撞撞、處處碰壁，焦頭爛額、頭破血流、滿身傷痕、粉身碎骨。都不打緊！跌倒了、撐起身、聳聳肩、再去愛！

有一天找到了他與他與他，激情過後、睜眼看清，發覺當中原來沒有丁點愛。就算做過也沒有資格叫做愛，是一場交合。

有一天有幸找到了夢寐心愛，就算有多熱愛，高潮漸退終歸平淡。到了某一天，齊說愛很難守、愛也難留、愛極難受！

以為修成正果，卻沒得道成仙。恩斷義絕一刀兩斷，再度墜落凡間，再次赴湯蹈火，再去愛。活在人間，卻像地獄，而且無間地獄，永遠永無止息。

其實憧憬愛、起初渴望愛、後來懷疑愛、漸漸害怕愛、變成討厭愛、最後拒絕愛、發誓不再愛。

「說好的， 愛情呢？」我們又怨天又尤人、仰天質問：「這圈子沒有愛、沒可能有愛，愛已經變質！」像受害者，似血淚控訴。

如非上天好生之德，五雷已經轟頂…… 就待那天，讓你猛然乍醒、讓你撫心自問、讓你良心發現：「其實愛沒變質，世界也從來沒變過。只是人變得複雜了，人心變質。自己根本已經變質。」

其實愛，本來就簡單。

你敢說從沒有愛？

你敢說簡單去愛？

你敢說很珍惜愛？

你敢說從未負愛？

你敢說一生鍾愛？

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

耐人尋味、暗藏玄機：說這 Blog

條目：寫字狂講心嗰句（喜怒哀樂、嘻笑怒罵、不吐不快）

人世間，事與事之間大多存在必然因果關係，如今天當醫生、律師，正因為當天選修醫科、法律，理所當然。

不過，很多事不明所以、莫名其妙。仔細看看，發覺原來許多互不相干的事情，巧合遇上、互為影響，最終成就了如非精心策劃也難以達成的事。每次巧合、每個偶然，但也環環相扣，暗藏玄機。我是說這個Blog。

我不是作家，興趣亦非寫作。對我來說，寫字是身體機能，像呼吸。原本我也應不在香港，種種原因仍留此地。忙於重整人生之際，像偶然似巧合，遇到一些人、發生一些事。　　　

中秋節，9月8日夜深。手機Ｊ交友軟件響起，一張風景照找我聊天。個人資料欠奉，慣常不予回覆，惟見一句「說好的，幸福呢？愛情事業都很難！」心想，中秋節送句鼓勵祝福不太難。人間已太冷。聊了一會，風景照頻說感激還加我收藏。之後睡不熟，想起求愛不就如同求職之道？隨手寫篇感言，給風景照參考思考。翌日再找，風景照已失蹤。既然寫了，就放個人介紹欄，有緣人有緣就看。

想不到留言排山倒海。加許稱讚是正能量，男男圈子負能量令人窒息！磁場無意觸碰脆弱心靈，怨恨憎厭苦惱愁煩，全撲過來申訴宣洩。我看到灰色天空下，人人空虛、靈魂寂寞、心中荒蕪。

生活已經沉重、負能量負極太強，避之則吉！正想淡出、刪掉資料之際，遇上No Fun、食肉和尚。感激兩位交心暢談，惟二話不說令人動氣，啟發了我、領會更多。我不良善，面對偽善假裝，不惜挑機宣戰。暫不封筆進行筆伐冷嘲熱諷。想不到大快人心，尖酸辛辣向來收視保證。

越多人看，越多故事讓我看。如大波蓮、NPNC  圈中經典和人辦。相貌堂堂、以為醒目，網絡交友頓變  very innocent，種瓜得瓜也說不懂，頻說 I'm inexperienced。恨鐵不成鋼，加點肉緊寫刻薄抵死短篇故事。不齒只懂怨天尤人，不知咎由自取。而且，人正在影響人。

佔領期間迎來通宵讀者。佔鐘佔銅咫尺與我，深宵也來留言：「謝謝！坐得無聊，看你文字密密麻麻，正好解悶！你好嗎？」天南地北想談就談，沒機心、沒期望、沒慾念，當交朋友。沒聊幾句，發覺很能認識這些人，仍是半裸無頭肌男、傲慢橫眉冷眼，然而感覺和善、全不猙獰。裝胸作勢裝模作樣令人矇蔽，只演自己卻使人看清此人，和內心。

「加油啊！多寫吧，我喜歡看！」就是正能量。你們帶給正能量，又寫正因此能量，你們又再說有正能量……  這世代、這世界、這社會，惡性循環已太多，能否逆轉，讓善性都得循環？

越寫越多，故事越多越有，繼續寫、不斷寫、仍然寫。到某一天，文字已經太多、J 軟件看來要取消我戶口，log in 已有困難，何不找個地方安置內容、閒來發表？如是網誌就此誕生。

家事、公事、私事三面忙，不知多少次怒擲手機說句：「寫咁多把鬼！」不覺間，何處又盪來不知誰人…… 令我又拿起筆，又繼續寫。

記得嗎？風景照、No Fun、食肉和尚、大波蓮、NPNC、佔領朋友們，其實從未親身見面過，當中風景照就只中秋當晚聊過幾句，已人間蒸發。其實，如當晚沒聊我不會寫，他不失踪，寫的不會外傳，之後又……

有一晚手機Ｊ交友軟件響起。佔鐘情侶 AB 找我聊天。這軟件原協議刪除，但Ａ說起在此 Search 過看到求愛如求職，以此向正求職又正約會的Ｂ給力鼓勵。修成正果Ｂ找到工，A和B 開始拍拖。小情侶今晚再裝軟件，讓 B 看看此為何文。

Ｂ說我面熟，對著漆黑畫面我當毫無頭緒。漸漸事情越見清晰：Ｂ曾遺失手機，軟件賬號忘了密碼，只能另開新號，包括Ｊ交友軟件。遺失手機就在中秋翌日。失跡了的風景照……

突然感覺眩暈。如當天 B 沒有遺失手機，文章不會外傳，突然所有人物消失貽盡，或者沒有AB 這一對，以及這一刻你看到這一切，全都消失。（我一邊寫一邊打冷震，你呢？）

人影響人。每個人每一天也正在不斷影響每個不同的人。

這叫命運，英文 Destiny。怎都不及廣東話「整定」到肉。整定了我寫這個 Blog、整定了你來到這裡，看到現在。其後還有什麼是整定的？

你問我，我問邊個？我都想知！

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※