寫與不寫，都為愛

條目：Love Actually 其實愛（懂了愛、才懂去愛、才懂愛）

寫字狂，今次想寫愛。

在情路，走得很累。從第一天走到這一天，感到乏力。不再橫衝直撞、亂闖亂蕩 ，放慢步伐，原來能看清經過的一事一物、及周遭發生的一切。

於是離群遠去，走遠一點、站高一點。一點再一點。

我俯瞰，見到人們亦步亦趨、在跑在追；我看到你、我、他的過去以及現在；擦一擦眼睛，想不到，但我望到以前看不見的、想不通的、估不到的、猜不透的；然後極目遠眺，是我們的未來？很朦朧…… 但彷彿我看見愛。

百般滋味湧心頭。

覺得很想寫，許許多多觀察到、發現到、感受到、體會到、領悟到的，用文字寫出來。

寫與不寫，都為愛。捨與不捨，也是愛。

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

Fun 咁好玩，點解人人都 NO FUN?

條目：實用基語潮文成人班（唔識溝通，點樣溝？點會通？）

香港人壓力大、怨氣深，好多時無論在Gym, Bar, Club 見到人人黑口黑面，磁場負極超強；就算去到應該風花雪月嘅 Sauna，都成隻忟薑咁，唧到唔笑，唔講以為佢俾人賣落火坑添！

網上都彌漫負極風氣，成日都見到人 No Fun, No Fun 。不知情者以為香港人都拒絕樂趣、甚至了無生趣，悲情城市！

事實又唔係，只不過「人人紛紛分秒 Fun Fun Fun」, 而打對台的就立即以 No Fun / not for Fun / don't ask for Fun 群起抵抗。不過 No Fun 陣營在此先輸一仗。

FUN 嘅意思，作名詞 noun 用，解作：樂趣、玩笑、有趣的人或事。同義詞有 Amusement , Enjoyment。

橫看豎看，樂趣、享樂都算開心事，是積極、正面的。不過人們習慣以 Fun 代表性愛，中外皆是，所以尋歡作樂就說去尋 Fun。

不過性愛歡愉並不等同隨便放任，情侶關係也有 Fun，認真交往都可 Fun，人生在世應該Fun。Fun 係指性愛，唔好諗嘢側埋一邊。

在定義上出錯，在此就會出事。大家 Say No 的，是向隨便、即慶、任意、隨機式的性邀約說不，而唔係對性愛情慾說不。因為和尚尼姑、神父修女才會對七情六慾 no no no。

如果係又 No Fun，唔係又 No for Fun，未搞清楚就醒人一句 Don't ask me for Fun，說就好似滿街和尚全城修女咁。之不過，做咗神父、削髮為尼之後，又要強調 For LTR , For Relationship, BF only 真係貽笑大方，大叫救命！

仲有，如果你唔係出家修道、拒絕再玩、向性愛說不，講吓講吓又去問人哋 Top or Bottom，底定面？既矛盾、又的確無謂，有點唔知扮嘢定虛偽，俾人感覺係：唔知你想點！所以如果人哋冇面俾，一句串埋嚟：Well, fine. I wish you No Fun in the rest of your life. 請照單全收。

個人意願及取向應當尊重，但重點是「有的放矢」，不要胡亂放箭。所以如果擺到明對方係撩開波，劈頭一句就問你 Fun 唔 Fun？如果你唔啱呢味，但亦應該尊重對方，同佢咁欣賞你，又唔駛好似見到殺父仇人咁。有來有往就直接一聲 No Fun，仲搭多句 Thanks！大方得體，成個人都靚哂！

如果想發表聲明，在 Profile 上申明個人立場，就唔駛同個 Fun 字過唔去。你唔接受嘅，係隨便、即慶、任意、隨機式的性邀約， 所以不妨加多兩隻字：

Not for casual sex date
No random hook up
No casual fun

Not for immediate hook up

清清楚楚，講明你其實都鍾意 fun , 不過唔係咁樣 fun！幾咁灑脫？

祝大家開開心心，樂趣攞滿 FUN！

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

性女貞德大悲咒：人人都係為咗 Sex

條目： 出爐鐵不打不心息（唔打唔安樂、有錯唔改再打多鑊）

如果你慨嘆呢個圈啲人個個都以 sex 行先，人人搵你只係為咗開波，令你感到氣忿又無奈。

而同時你嘅 profile picture 係一張切咗個頭，一絲不掛，加上波濤洶湧嘅祼照。。。我會覺得你好似呢個人：

打扮銷魂、外表Open、態度 Obscene，但估佢唔到、嚇你一驚， 「性女貞德」 內心保守又愛親近神！

佢平時坦胸露背，極盡惹火性感暴露之能事，故意引完人犯罪，搞到人哋好 horny，紛紛問佢 fun ng fun ? 心中竊喜之後，但又好 innocent 攬住對波大聲哭訴。

「主啊，神啊，上帝啊，天父啊！呢個世界啲臭男人個個都係咸蟲嚟架，用眼睛非禮我、用語言強姦我，個個親近我都係為咗上床，冇個係認真、更唔會欣賞我嘅內在美，點解我咁命苦？」

不過不過不過……

內心保守又愛親近神嘅性女貞德，雖然衣著暴露，但總算著咗件只係少啲布嘅衫，可惜你嘅身上，係連一塊布都冇 ！

同埋佢亦冇將祼照公開展示。好似你咁。

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

齋口唔齋心 - 食肉和尚

條目：出爐鐵不打不心息（唔打唔安樂、有錯唔改再打多鑊）

致，食肉和尚

我知我係有啲串，不過咁，有啲嘢你講得出，真係唔串唔得，粗俗啲講：你真係唔 X 唔鬆化！就咁嘅……

如果你旗幟鮮明而口響響咁話：

Not for FUN / No Fun / For FRIENDS ONLY

但講唔夠兩句就問必答題：Top or Bottom or Vers?

我會笑笑口咁回應，但真係忍唔住腰膶你：

「我覺得你問呢樣嘢，就好似一個食齋嘅和尚，無喇喇走去豬肉檔問人哋豬肉賣幾錢斤？」

由於你係名副其實齋口唔齋心，如果我再改你個名叫「食肉和尚」，唔知你仲受唔受到？定 Unfriend 我？

PS. 不過，我好似仲未跟你做過 Friend，唔知你 Un 咩呢？

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

David 與好菜 （第一集：NPNC）

條目：21世紀網絡情仇愛翻天（屎屍式男男愛情短篇連載）

David Ko 有名你叫「高大威」（幾多歲咩嘢樣同身型，留個想像空間俾你）醒目叻仔，啱啱升上 Assistant GM 個位。Single。一個字：筍！

佢好羨慕啲人可以將張相放上App度，佢覺得尋日接受 Esquire 訪問時影嘅相，仲型過以前貪玩做 Part-time Model 時影嘅硬照。

但係打開個 App, 方圓300米之內都係啲下屬，上至Senior Manager 下至今年個暑期工同 Intern ！仲全部On-line 添？個個都有綠色點！點可以放相呀？放張 body 相又唔得，啲人實認得到我個 tattoo！

不過碌吓碌吓睇落去，見到呢個幾好喎，啲台灣朋友個個都叫我做「天菜」，呢個其實都算係「好菜」。

David 急不及待 Say 聲 Hi 先。。。冇反應？睇吓佢Profile 寫乜嘢？嘩！啲咩嘢英文嚟架？

NPNC, NPNC, NPNC !!!!!
Angel Face for Angel Face ONLY (*註：天使面孔）
Devil Body for Devil Body ONLY (*註：魔鬼身材）

No Pic = Block !
IMMEDIATELY !!
In 10 seconds~~

I WARN U NOW ! If U say HI  but no PIC = BLOCK
No Hope for U !
U God damn Hopeless!! As U are Faceless!!

U are so RUDE to ME !
I must BLOCK U !
BLOCK 死 U
BLOCK 暈 U
BLOCK 傻 U

I hate Faceless,
I hate them HOPELESS !!! MOM~~~

嘩「好菜」你做咩咁激動呀，你其實想講咩呢？Pic 即係相片吖嘛？乜你咁鍾意睇相咩？得得得，我立即send 哂俾你！咁NPNC即係乜？我住英國成20年都未聽過咁嘅？

咦？？點解。。。唔見咗佢嘅？頭先仲見到佢喎！我唔識玩呢啲App 架，邊個可以幫到我呀？好菜，我好掛住你呀～呀～呀～

後記：

好菜其實係一個好熱血嘅人，佢嫉惡如仇、行俠仗義、抱打不平。對於無頭大胸人，尚可以姑息；不過冇相怪及風景照，佢哋係一股邪惡勢力，破壞網絡秩序嘅大壞蛋，佢只會採取零容忍態度，見一個 Block 一個，誓要趕盡殺絕、斬草除根。

另邊廂，David 立志要再見到好菜。佢堅信，好菜係唔知俾啲咩嘢邪惡勢力囚禁住，係大壞蛋block 住咗，所以咁凄厲呼喊，而 NPNC 就係留低俾 David 等佢拯救嘅暗號，一定係！

於是 David 上咗 Google Search 輸入 What dose NPNC stand for?

排第一的網址係：
http://www.acronymfinder.com/NPNC.html

呢度提供咗5個可能解釋：

1. National Peripheral Neuropathy Community (Aloha, OR)

2. Non-Personnel Non-Capital (School Budgets)

3. No Points, No Closing Costs (Mortgage Financing)

4. Nasal and Paranasal Cavity (Anatomy)

5. No Pic No Chat (Internet Slang)

David 突然覺得茅塞頓開、充滿正能量，佢下定決心，首先向 National Peripheral Neuropathy Community 呢方面追尋好菜嘅下落。

待續。。。。

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※