快閃過兩招：Review Profile = 出街前先照鏡

無法查看此摘要。請 按這裡查看文章。

「7字真言」令 Turndown 都可 Go Easy

條目：少咸多趣齊 have fun ~ 樂而不淫、少鹽多 fun

有好多人話，最憎其他人「十問九唔應！」好冇禮貌，又唔尊重人…… Well，呢樣真係見仁見智。我曾經做過實驗，試吓用唔同 approach 去回應其他人，包括：就算好唔 match , 都會有禮貌地去回一聲 hello，但最終係收到反效果，因為你嘅回應，有人會以為「得米」，好似人生滿希望咁。

試想像吓，有個係神級嘅 profile，你只想 say 聲 hi，做一次 worship，點知唔夠 5 秒，佢就回覆 hello, how are you? nice to meet you! 咁你一定喜出望外，係唔係？

好嘞，講返你自己。今次你就係對方嘅神級profile，但同你唔 match 呢個事實係改變唔到，最後當你表明唔啱，好多人會老羞成怒，甚至發爛渣噴你，話你 waste his time。有次同樣情況，我試過解釋呢個係有禮貌嘅回應，但係對方都唔收貨，仲話我扮哂嘢、懶 nice 、好假添！

所以，不如當睇唔到，大家都 sophisticated 一啲，人哋唔覆你，知咩事就算，唔通真係想吓吓都要人哋送份 font size 48 pts, capital letters, bold, italic, underlined 嘅 “SORRY ! NOT MATCH !! ” 厚禮過你咩？

之不過，正如頭先咁講，好多人係好有求真精神，點都要再問，覺得你冇反應就唔啱、對佢冇禮貌！（唉～）咁你可能會話，立即 block 咗佢喇，仲駛擇日子咩？咁唔好，block 人係要有技巧，可算一種藝術；而且，一個大意可能會後患無窮！（呢樣嘢真係要擇日再講）好嘞，咁如果對方係咁「唔揍米氣」, 無了期咁 hi 完又 hello，可以點呢？咁我就有「7字真言」！

「打對台」+「同一陣線」

呢一招唔駛吓吓都出，係有啲 hi 完又 hello  十幾次，你忍唔覆吓佢，佢問你 look for 咩嘢， 你已經答哂 nothing much, nothing special , nothing particularly, just browsing, for a look only 呢啲擺到明係 not match 同義詞嘅答案，佢都仲死咬住唔放，可能係一名危險人物，警戒級別要提升。但好肯定，block 佢唔係可以杜絕後患嘅方法。

點做呢？首先睇吓佢 profile，如果冇，就直接問，睇吓佢有冇講 look for xxx 如果有提 not for xxx , 咁就太 perfect 嘞，一於「打對台」喇：

佢 look for fun 咩？咁你就答 not for fun, I'm sorry! I really can't accept casual fun !

佢 look for relationship 咩？ 咁就你就 oh, I'm here for FUN only, strictly NOT for relationship or anything serious ! 打對台打成咁，正常人，都會對你失去興趣喇！

不過如果對方好強頑，仲要死纏爛打，咁就要落重藥，嚟第二

佢話係 Top 咩？就立即 oh, sorry me too! I'm PURE top for PURE btm!

佢話係 Btm 咩？咁就 opss , too bad！I'm ZERO too, Top guy is so hardly found here! do you agree?

咁如果 vers top, vers btm 嘛，照樣係同一陣線處理；但如果佢係難纏到，做 top / btm 咩嘢都冇所謂！好，咁你就再出番「打對台」，佢唔鍾意 anal, 喜歡 oral 咩，咁你就話超鍾意1/0，最鬼憎 oral ! 總之擊退佢為止 ！

不過，其實都好少有呢啲咁 extreme case，通常聽到大家各方面都唔係好夾，佢可能會覺得冇咩嘢，仲笑笑口，調返轉頭同你講 oh, not match, sorry ! 話唔定 block 番你轉頭添！

嗱，咁咪幾好！佢又落到台，你又冇拒絕到佢，化解危機！

有啲人可能會話，唔可以講大話、宗教關係，講大話係罪惡…… 唉，呢個美麗嘅謊言嘛，自己承受苦難，令到佢幾解脫、幾開心，真係上帝都要讚你係 Good Boy!

有啲人又可能覺得，唓，做咩要講大話啫，冇必要囉，唔值得囉！hmm...... 咁你自己諗吓一個更 good 嘅方法嘞。我有啲忙，要失陪一陣！Bye

（一路行一路講：不過要記住，如果佢係咁樣纏住人，一定衝住你而來，可能唔係咁簡單㗎，唔好以為 block 佢係一了百了，可能有反效果添！）

<完>

後記：

一邊寫文、一邊網絡蹓噠，就看到外地朋友聊寫幾句，就是這個主題，毫不含糊，是一個清楚的 personal statement。

“Silence is also an answer, get the message.”

寄語很多仍對別人不覆隻字而深心不忿的朋友，請認清楚這點。事情就這樣明白簡單，再怒恨，就是跟自己過不去。

這個遊戲，從來沒有論輸贏、只有合與不合，去比較去計較的，可能只有你自己。

會員「霖把」亂哂坑實錄 - 下集 ：一哥也愛後庭花

條目：少咸多趣齊 have fun （樂而不淫、少鹽多 fun）

絕對同性或異性戀比例，事實上佔少數；而同樣，絕對純一純零，比例亦偏少，調查數據上有反映呢個情況。但係唔係大家都食咗「誠實豆沙飽」去答問題？hmm...... 正如之前講過「濫竽充 Vers 」事件，即係 Bottom 嘅實際數字，「幾乎」係簡單到 Btm + Vers 之總和 = 答案。不過自稱為 Top 嘅朋友，都唔好五十步笑百步，究竟當中有幾多係水分？大家同樣心裡有數！

上集講完偽生「非黑即白」呢個經典案例，得罪講句，可以用「無知」嚟形容呢個邏輯思維，佢係因為開始時唔鍾意做零，又唔知點樣去界定自己，而搞出個大頭佛。但有其他人，事實係「明知」自己係鍾意食「叉油雞雙拼」，但就因為無謂嘅自尊，而搞出一幕幕趣劇（或悲劇）。

亂哂坑實錄二：遇上 100% 猛男「品菊純一」

有一位我哋朋友間叫佢「幽靈」嘅朋友，佢唔係幽靈咁恐怖，仲係樣靚身材正嘅「優」質的「零」。佢從來不愁冇男人，反而成日同時有幾個人約會，出現選擇困難症。不過有晚半晚突然 whatsapp 我，話佢俾人欺負，仲係去送外賣添！（竟然？）佢仲衰到已經改埋人哋花名叫「品菊純一」！（日本人？）哦，原來成件事係咁：

晚上在「獵男網」遇上 Top 猛男：純一，平時在 Gym 見到，大家都「眼超超、想過兩招」，但兩人自問係優質盤、慣咗被人追捧，加上「輸人唔輸陣」，冇必要時，都係等對方先出招。

點知今次純一突然一反平日臭串態度，語氣友善誠懇，仲細訴心曲，其實佢「 seldom have fun」。幽靈以為純一講笑，但對方連環出擊，步步進迫，仲邀請佢到家作客 fun 一 fun。

幽靈覺得今次係高手較量嘅時候，欣然赴約。佢之所以咁受歡迎，除咗條件甚優之外，而床上亦係 active bottom，絕不死魚。純一估唔到今次遇上高手，fun time 開始不久，幽靈身手靈活、爬高擒低，好快純一就處於下風，仲冷不及防，俾人點中「菊花死穴」，立即～～～～啊～啊～～～連聲慘叫？哦…… 唔係，原來係呻吟！

資深零號被迫品菊，口乾喉涸要飲涼茶

貪玩嘅幽靈有啲得意忘形，見純一咁 high，繼續點穴 ，正想收手之下，純一突然喝令：「唔好俾佢停」! 仲興奮到「質」佢個頭落去「品菊」添！幽靈平時習慣被品，有啲唔慣。不過諗吓有時睇外國 4仔，都係個 Top 先被品菊，佢都要開放自己，就當今次同高手試吓新招，希望擦出火花！

點知純一 high 到有啲失儀，不斷鞭策幽靈落力啲！勤力啲！仲擺出不同姿勢，360度全方位俾對方品名菊，據幽靈形容，佢幾乎連倒豎蔥，定倒立都做埋，有啲擔心佢扭親腰骨！今次華山比武，果真係大開眼戒，幽靈自問望塵莫及、歎為觀止，仲覺得條脷好乾涸，頻頻要補水。佢開始 recall 番純一自爆 seldom have fun，眼見此形勢，漸覺不無根據！

Dry dry 哋之下，忍唔住問純一：what is your plan? 點知純一又係好突然咁，一個反身瞓底，話忍唔住想發射。咁多個出其不意來襲，幽靈唔知點樣應對，唯有等純一回一回氣，問佢要唔要休息一下，等一陣我來做你的靈？純一聽到後覺得愕然 ，最後終極一招完美擊倒幽靈 ：

「Well，我係 Top，意思係我絕對唔會俾人入，而我通常亦唔會入人，只會一齊打出來。不過你好厲害，品菊呢招確有一手，好少 Btm 識得做。而我作為“Top”，卻絕不向 Btm 品菊的！」

性格開朗嘅幽靈，雖然好似做咗外賣仔，仲搞到舌乾喉涸，要飲涼茶下火。但佢向積極一面去諗：遇上高手「品菊純一」，令佢增廣見聞，身為資深零號，決心鑽研菊花中內藏嘅奧秘，可能有嶄新領會。

亂哂坑實錄三：兩位一哥合唱「同是天涯淪落人」～～

鏡頭一轉，去到另一位居港嘅小數族裔黑珍珠 朋友。佢就受歡迎咯，膚色關係，再加上其族裔嘅優良特徵，以及sexy 到爆錶嘅 body ，一晚嘅 whatsapp 可達到 60 多個（一小時內），我親眼見過佢手機不時又響又震，然後 hang 機。

有次又係「一哥夜半無人私語時」，竟然係佢發來 whatsapp，仲向我細訴甜蜜心事， 原來佢終於在香港獻上他寶貴嘅 Btm 第一次！？

此時我方先知原來佢都可以做 0！佢語氣帶點無奈表示，其實係 10 號兩項全能好手，但在香港多年、亦遊歷亞洲各地，他已放棄做 0，專心一致，鞭策香港萬民，佢用「hopeless 」來形容可以搵到一哥嘅可能性，機會渺茫，心已死！

我轉趨好奇，究竟邊位勇士可以駕馭呢一頭強悍黑馬？佢哈哈大笑，話係佢一個 stable sex buddy..... Hm...... 佢個 buddy 唔係應該零號？佢話都覺得非常突然，雙方已見面幾次，但呢個 Overseas Asian 靚仔令佢印象深刻，因為非常投入，十分 enjoy 做零，不斷大叫 keep going，fx yeah, keep going！搞到佢忍唔住更加落力，互動之下，經常搞到通宵達旦，係少數可以承受咁巨大挑戰嘅 Asian 。

Hopeless 爽零變身猛一，功架十足

但呢位爽零今次 super horny，搞搞吓，突然提出可唔可以做一，仲帶齊「架生」：包括專用嘅 condom, lube, 連各款 cock ring 都準備好，係 professional 嘅表現。

而實際做起上嚟，絕不笨手笨腳，招式多變、功架十足，是為不折不扣嘅猛 1，有啲體位連佢都未試過。終於成晚變成角色大兜轉，黑珍珠成為爽零，獻出珍貴嘅初夜，仲要輪到佢大叫 keep going, fx yeah, keep going 呀，陰公！LOL~~

完事之後，係温馨 pillow talk 時間，兩人盡吐心事。佢一直知道呢位爽零靚仔係有 bf, 但勢估唔到，佢 bf 係純零，而佢就係猛 1，不過呢，真正秘密係佢其實 10 號，仲要偏零！然而，情況同黑珍珠一樣，覺得在香港此處，「零海茫茫」中想搵到合適而符合佢要求同期望嘅 1 號，機會都係零。覺得 hopeless！

講到 hopeless, 兩人四目交投、相對無言，突然哈哈大笑，因為大家都係「同病相憐」。今次兩位「一哥」真係可以合唱呢期最 hit 嘅 ：同是天涯淪落人，相逢何必曾相識……

笑就講完，不過黑珍珠有一句 footnote 值得我哋深思：「男男圈子，實在太多 stereotyping 式樣化嘅思想，唔只香港，連外國都一樣，好似，邊個膚色深啲就要做 top，黑人要做 top，好似冇得選擇咁；同樣，邊個年紀細啲、財富同職位比較弱嘅，就會係 Bottom...... 諗深一層，如果受到呢種心態影響，原來唔只靚仔唔能夠忠於自己，而佢口中嘅純零 bf，其實係鍾意做 top，但由於角色已經定形，只會跟其他人做，在一段關係上同樣戴著假面具，事情其實幾可悲。」

< 完 >

會員「霖把」亂哂坑實錄 - 上集 ：一哥的私密日記

條目：少咸多趣齊 have fun （樂而不淫、少鹽多 fun）

哲學上其中一條重要理論，係「假二分法」 False Dichotomy 或 False Dilemma，又叫假排中論等，而為咗更易理解，東西方文化都同樣有「非黑即白」或 Black or White Thinking 呢個成語。

呢個係好常見嘅邏輯謬誤，但人類無時無刻不斷犯上。其實好簡單，等如一個人因為從來只見過黑、白兩種顏色嘅貓，今次佢見到第一隻貓係黑色、我話俾佢聽，第二隻貓唔係黑色，咁佢就認定一定係白色！冇可能唔係！唔係白色就係你錯！

咁佢就錯哂喇！唔係黑色、都可以係黃色、灰色、啡色、金色、冇毛，又或者俾人染到彩色都仲得。由黑至白，有你想像唔到咁多可能性。所以正確嘅邏輯推理，就只可以講呢一隻「唔係黑貓」，佢係咩嘢顏色，喺呢一刻，根本冇需要，亦冇任何人能準確估計及判斷。

Sorry，開場白拖得太長，我亦知你哋睇完個標題，好鬼心急。但你自問你冇犯過呢個剛才你覺得好低能嘅邏輯謬誤？有冇試過「非 Top 即 Bottom」、「非 Bottom 即 Top」？在兩個極端之內，排除所有可能性？有吖嘛！咁成件事點會唔錯、錯、錯？ 有時仲錯到，唔只係人錯，連隻貓自己都錯！

亂哂坑實錄一：非黑即白，經典案例！

有一個朋友，佢同另外一個我哋改佢花朵為「偽先生」（因為佢係「偽 Top」）嘅人極有緣份，咁多年來總共見過 3 次，亦做過 3 次。

第一次在 N 年前，係老餅至識得嘅「遊戲小子」 Sauna，我個 friend 係 Vers  Top，可謂任勞任怨，佢同偽生入房前，偽生問佢數字題，首先自供係 Top , 咁佢就話冇所謂，佢做Bottom 冇問題…… 但在房中佢哋好似所有要做嘅嘢都做齊，但係就冇主菜 1/0 活動，偽生發射完事，但又好交帶咁話：我在 Sauna 呢類地方，通常唔會 1/0！

好多年後，在 Chat Room 又再邂逅，未見之前大家都唔知。去馬之前首先對啱台慶密碼，1 + 0.5，OK Action ! 事發現場在偽生屋企，同樣係做到轟轟烈烈，日月無光，可謂 long session ! 不過亦冇 1/0 。我個朋友真係冇所謂，但因為偽生煞有介事咁講：我其實只會同BF做親密嘅 1/0 ，呢個係原則，唔好介意！冇人介意，但我個 friend 記得佢，亦因為佢兩次嘅獨白都好感性，所以有啲「招 ed」（註：即是中招，30歲以下人士未必識）。事後我個friend 有主動過，但隨著偽生嘅冷淡回應，故事沒有下文……

夜半獨奏簫樂、再化身觀音大使露真身

不過下文原來喺呢度出現，近年「App 屎」風行，緣份將兩個人嘅命運又再一次連線，一個風雨交加 horn 到爆燈嘅晚上，偽生就在我個friend 附近，我個朋友年月漸長，已經發覺自己比較適合做攻擊型，嗰晚 又 horn 又 aggressive，事先講明冇得「捐山窿」就：Sorry not match！對方亦爽快回應：Sure, no problem !

終於在橫風橫雨嘅晚上，兩人幾乎大門未關上 就打得火熱，做到驚天動地，大家都驚嘆點解做得咁合拍，真係左邊大力啲、耳珠好舒服，唔駛講都知。可謂猛 1 爽 0，做到好似拍 4 仔。做完之後呼呼入睡，以為發夢見到偽生演奏樂器，點知原來偽生事實正在表演簫笛獨奏，接著化身觀音大使，坐上蓮花普渡眾生。

兩人化緣之後，今次係我朋友嘅真情獨白：其實我哋今次第 3 次見面，但係…… 你「霖把」好似轉咗咁嘅？偽生既驚且喜，故人久別再逢，點知眼前人連佢走哂樣都認得，而且他面上歲月不留痕，好像彷如隔世，但一切彷如昨天！偽生低頭含羞答答， 娓娓道來：

一哥私密日記：我嘅秘屎、係未做過Top

「係呀，以前年紀細，試過但唔鍾意做 0，覺得好痛，所以咪唔做 0。唔係 0 、咁咪做1 囉。但後來發覺自己開咗竅，感受到做 0 嘅箇中樂趣。之後，其實呢 7，8 年都係做 0～～～就咁囉！」

我朋友明白事理，自己 1/0 不分，仲話反向式「轉霖把」，其實正在經歷。不過真情剖白，因為曾經 like 過也有情，做他的靈…… 係年少以來其中一個心願，如果你真係想，我唔介意俾你 ……

點知偽生同樣剖白內心：「其實，我一次都未正式做過 Top 入過人，我驚唔係好識。我根本都唔鍾意做 1，唔鍾意嗰種感覺……」

世紀謎團終於解開，曾經令佢牽繫夢魂嘅眼前人，亦有衝動想問對方，是否 0.5 身分不夠純正而遭冷淡嫌棄？原來，跟他開了一個大玩笑！佢話嗰一刻，想「擰」甩呢個零零個死人頭！

暫完

下一集精彩預告：一哥（們）原來愛唱後庭花

快閃過兩招：一句搞掂無面人

條目：少咸多趣齊 have fun （樂而不淫、少鹽多 fun）

快閃過兩招

周末有 weekend driver，同樣在網絡上有好多 weekend player 出現， 好多人冇相冇樣、資料不全，大家要忍讓吓、俾啲耐性，佢哋真係唔知點樣 handle a conversation 。

但有時你嬲還嬲，至慘係佢哋唔知發生咩事，
唔明為咩要有相至肯傾，以前「白奎紀」Chat Room 都係咁樣照傾㗎喇……  唔好同佢理論咁多，就咁樣一句埋佢單：

「如果喺條街上面，有個人用個膠袋笠住成個頭，走嚟同你 say hi，你唔係唔想睬佢，但係佢做咩要笠住個頭？佢係邊個？你會同佢講咩先呢………… 嗱，咪係囉，你都叫佢除咗個膠袋先喇，如果佢死都唔肯除，我真係會驚囉！」

明事理嘅，就會知點做喇，仲會同你 say sorry 添；如果仲唔明嘅，就係扮㗎啫，佢可能會攞個 DISCREET「免死金牌」出嚟，又有family, colleagues, have a job... 講到好似人哋冇咁，又話自己唔係 openly gay。其實呢度10個有 7，8 個都唔會周圍認自己係，都唔知關咩事。

唔好勞氣，你話忙就算、chat you later、耍走佢 say 聲 bye。佢 try his luck，預咗時間出來花費，但我哋唔係。其實佢仍然會在此出現，似無主孤魂。不過因為無主，你唔知在幾多個禮拜、幾多個月之後，仍然會見到佢，到時有時間，再同佢周旋。

可能結果出人意表，原來佢真係一個天菜！你會暗自慶幸並冇走寶。我有類似經驗、幾好笑吓，有機會再同你講。

PS. 呢件事，我諗住放在出爐鐵環節，睇吓點解有人好人好姐，要咁樣作賤自己。

快閃過兩招 - Jack'd 招牌菜式：異度空間

條目：少咸多趣齊 have fun （樂而不淫、少鹽多 fun）

快閃過兩招

之前我都有提過，Jack'd 雖然係功能最齊全，而且免費版都可以用到應該有嘅功能（暫時喇，睇吓點？any free lunch in the world?）

不過佢嘅 時、地、人 update 情況，真係令人不忍卒睹。。。你睇吓今日我嘅遭遇？今日5點幾在灣仔同一位東洋朋友傾吓偈，距離明明就近在咫尺。但我忙之餘，佢又潛咗水。

終於在9點幾，佢問返我一個好似謎一樣嘅問題：你來東京旅遊嗎？

原來佢個 Network，仲黐住香港地區嘅網絡。而佢已經今朝飛返東京，但在下午5點幾，Jack'd話我哋幾百米之內。

你話係唔係…… 啤～～～～～

有時我都奇怪，點解 Grindr 一個由設計、技術、功能、資料整合、數據維護及備份都全部唔合格嘅軟件，點解仍然穩佔龍頭位置、除咗頭啖湯好飲之外，有時…… 簡單，就是最好。Simple is the best~~~

今晚我再下載過「接客帝」（內地同胞對Jack'd 可謂形神俱備嘅暱稱），因為有notification 話佢有新 update，睇吓佢啲無數嘅 bugs 掃完未？

嘩，版面真係唔同哂，唔知新版仲會唔會有香港東京時空交錯嘅劇情出現呢？

不過，係想用就快啲用喇，有呢啲咁大動作，通常都會有不詳嘅預兆…… 梗係喇，功能咁齊備，俾你去到非洲搵黑人朋友都係免費？你見過蛤乸在皇后大道東跳來跳去未呢？

會員「霖把」 亂哂坑實錄：Bottom 扮 Vers 篇

條目： 少咸多趣齊 have fun （樂而不淫、少鹽多 fun）

亂哂坑！亂哂坑！我講緊嘅，係香港男男圈子每個人嘅「真身」。

台灣導演蔡明亮講過，台灣係一個「性行為開放、性觀念保守」嘅社會。愛只可以做，但不能說。

香港男男圈子眾人，對這句話毫不陌生，而且好多人正親身演繹。單睇其 profile，從照片至內容、由表皮到內心，都是擺明車馬，睇啱就去馬！一副強悍戰鬥格。

但講到關鍵詞1/0問題，就如臨大敵、敵不動我不動、先使出一張「百搭皇牌」Vers card，試探敵方軍情。接著雙方鬥智鬥力：欲擒故縱、拋磚引玉、故弄玄虛 、瞞天過海 …… 最終身分敗露，三十六著走為上著，真係孫子兵法都要出動。最終表露嘅真身，又是真或假？仍未知之數！

你覺得情況係唔係好亂？亂成點？睇吓以下案例。

亂哂坑實錄一：呢個世界冇零號

有朋友去旺地「 掘頭巷」三溫暖，他是 10 ，但唔想對方是純 1 或 0 ，喜歡互動。由於第一次去唔知規矩，將鎖匙牌掛在左手，並高高拉上手臂近膊頭位置。大劑嘞！佢唔知道，掛在左手代表「Top man 1哥 」。

於是，整晚身後都出現「人龍」跟住佢嘅情況。雖然佢條件唔差，但有啲受寵若驚，覺得應該係佢生口面，新貨到埗，受三分鐘熱情款待。

但有兩次同人入到房，佢問對方數字題，但同樣表現錯愕，覺得佢問嚟都多餘。唔能夠互動，就不歡而散。

不久在暗角被人拉咗入房，呢個係佢個 friend ：「你都大膽嘞，咁串？我係 pure top 呀，都唔敢好似你咁揚呀，呢度咁多“餓零”，我真係擔心你俾人分屍呀！」

他恍然大悟，終於解開自己爆紅之謎。若有所失之下走出房，將鎖匙牌拿在手中，不敢再掛，眾人見到「新希望」鎖匙牌黯然除下，以及同薄具名氣嘅一哥常客入房之後，佢嘅光環已經褪色、人龍消散，感覺有點唏噓，佢再留意跟過佢巡行和匯演嘅眾人，鎖牌都係掛在左腳代表 Vers 的位置，絕少右腳。

亂哂坑實錄二：極品扮 Vers，其實係「直人」

有朋友在交友 App 軟件收到某君主動 say hi，大獻殷勤、又話佢 sunny smiles, sexy 6 packs，仲主動撩 fun。我朋友問佢數學必答題，佢話係 Vers，咁就啱嘞，不禁說句：Great, me too !

點知，熱情急速轉淡，我朋友身經百戰，加上其實 horny，於是引蛇出洞，問佢係 Vers Top 定 Vers Bottom 多啲，對方答「今日」想做 Bottom 多啲。身為「順得人」嘅朋友，兩樣都 ok，所以話咁佢可以做 Top。點知某君仍然唔收貨，態度仍然冷淡。

我朋友係被撩在先，受到如此待遇，有啲燥火，問佢其實想做乜，可以講清楚啲。某君哦哦：「其實我都想見，但係驚 fulfil 唔到你咋！」意思係話我個 friend 係Vers，應該都想做 Bottom，咁俾人 feel 到佢嫌人哋唔係名門純種 Pure Top，唔太收貨。

我朋友立即被撻著火，分明某君係不折不扣嘅 Bottom，而且係一個極品，因為衰足3 樣嘢。

Vers Guy 心中有一團「火」

我朋友話佢嗰日好有火，逐點炮轟某君，其實教精咗佢。

1. 扮係 Vers 其實都冇所謂，人哋俾哂位佢走，佢都唔肯認，其實又係嗰種以己度人，覺得「天下烏鴉一樣 Vers」，都係同佢一樣扮哂嘢，對人投不信任票；

2. 我朋友話你唔好再認係 Vers，因為連Vers 好基本嘅心態都唔清楚。Vers 就係冇咩所謂，所以兩樣都得、但唔等如兩樣都要。例如佢去見 Pure Top，雙方都冇諗過 Vers 會要求做 Top，因對方根本唔得，而佢都預咗會做 Bottom。某君咁諗，當然露出馬腳，扮 Vers 又唔知人哋嘅心理。都唔止，仲再次引證第一點，一直係小人心、君子腹。

3. 最令我朋友火滾嘅係，佢啲語氣及態度，好似嫌棄 + 鄙視人哋唔係「不折不扣真漢子」，唔係純種 Top，令佢有啲失望，仲潤人哋「我驚 fulfil 唔到你咋！」如果形容呢種小家氣似女人，相信係侮辱同眨低一眾女性。但大家記住，佢咁介意人哋之餘，但又要扮係 Vers，死充到底。所以係值得俾我朋友狂數 5 分鐘，毫無還擊之力。

我朋友話唔應該咁快 Block 咗佢，有一句說話當時唔記得醒某君：

「呢個圈好多人唔係真正 Gay，而係好多直人，因為佢哋唔係同性戀愛，而係異性雙吸，好多人心態就當自己係一個女人，去傾慕另一個男人，可算係直人扮基。」

聽完呢番火爆牢騷，突然俾我多一重領悟，我一直唔係好理解到，點解圈中有唔少 Top Couple 存在，佢哋雖然 Sex 未能夠完全匹配，但能夠成為一對。

呢一刻我明白：我哋唔鍾意嘅，講到底都係唔鍾意。

講完呢兩個案例，大家可能覺得唔係新鮮事，不如下集講講另邊廂一號眾男。其實你估一哥就真係一字咁淺？好多時，佢嘅秘密，仲更加耐人尋味……

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

手機交友 App 軟件帶來的災難（二）

條目： 少咸多趣齊 have fun （樂而不淫、少鹽多 fun）

上回講到，原本用 Grindr 比較安全，皆因佢功能殘缺，又可選擇不顯示距離，所以能保障多啲私穩。不過如果你又冇關上 Distance Shown，咁你個行程幾乎可以在別人掌握之中，唔係嚇你！

舉個例子，我曾經送過一個外國朋友在銅鑼灣乘搭機場巴士，期間我哋繼續傾偈，佢打開咗距離顯示選項，巴士去到中環我知道，因為距離顯示到，而且我在附近見到在中環返工嘅 friends；之後去到上環、西營盤應該塞咗一陣車，因為再 reload，見到以前啲舊街坊，仲傾咗幾句；過西隧嘞，好快去到葵涌、青衣附近，因為見到佢距離遠咗，附近啲 profile 又有提到在青衣；再 reload，見佢好快就入到東涌到機場範圍，我見住在附近嘅老死，而機場附近又有 Transiting 嘅遊客，looking for toilet hook-up。你話，佢嘅路線圖係咪瞭如指掌？

用 Jack'd 等仲可以死都拗番生

但係相反，如果用 Jack'd 之類軟件，你可能會試過，明明呢個人在你附近，你同佢傾吓傾吓，原來係幾個鐘之前到此一遊，已走咗N 年咁耐；有時離譜到，原來佢係遊客，已經搭完飛機返屋企，unpack 完畢，就嚟要瞓！

好嘞，不如我試吓舉一個災難嘅例子：想像一下，呢個人叫做「你生」，你同佢個 Lover 講：

「今晚開 OT 好夜至返，唔駛留飯，Baby 你去瞓先。I love U forever  ^x^」

如果你係用 Jack'd、Manhunt 、Scruff等，但係由夜晚7點開始，你已經響唔關事嘅 X 公里出現。如果 Baby 佢咁有你心，去 X 公里睇吓你嘅芳踪，見到你今晚「開OT」嘅位置，再問吓你附近嘅街坊 where are you now?

咁呢單案，係會難搞啲，但可以有得拗，因為佢唔可以跟到好貼，有時可能仲顯示當時你在公司位置添！有機會打得甩。

冇Off Distance, Discreet 慘變 Discrete

不過，輸得最徹底應該係呢個情況。平時好 Discreet 嘅你，竟然謹慎又小心到，用 Grindr 之餘，但連 Distance 都公開哂，Baby 除咗知道你響邊度開OT，如果你哋距離近、或者佢有你心到，就算距離遠，佢俾錢開埋 Extra 千里追兇，可以鎖定你位置。

而 Baby 破案嘅決心，係唔介意勇闖虎穴，去到案發現場附近嘅老麥，買杯嘢飲坐底先，再在Setting -> General -> Unit System 勾選 -> U.S. 睇到疑兇附近幾多尺範圍有冇同黨。 221 feets 隔籬 223 feets? 邊個呢？哦，原來係佢！

咦，唔對路，再隔籬有3個人，冇距離但應該好近，online 時間差唔多，睇吓 Profile 寫咩先？

招聘廣告：「5人正在開OT，大 Project！渠務工程，集體進行，通渠期間會使用化學劑。2人負責樓上，2人負責樓下，1人兼顧樓上樓下。
現正招募義工參與，要體格強健、貌端，能兼顧樓上樓下為佳、工作時不准戴手套！
如有興趣，請附寄個人近照、履歷……你懂得的！！」

在老麥正準備緝兇，捧打狐狸精嘅 Baby : 「O my ~~~！」

依家，你個電話係唔係跌咗落地？快執番起佢，log in Grindr  -> Settings -> Privacy -> Show Distance -> OFF

如果開緊枱，叫啲麻雀腳一齊 Off Distance 呀！！

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

手機交友 App 軟件帶來的災難（一）

條目： 少咸多趣齊 have fun （樂而不淫、少鹽多 fun）

又到星期六嘞，各位「未成家立室」嘅朋友、甚至「已有家室」嘅朋友都都好喇，隻手可能有啲痕， 走去「 交友撩波」手機軟件 App，識吓人搵吓朋友，如果對方都鍾意運動，一齊去打番場波，增進友誼。

「未成家立室」嘅朋友，去結識朋友、打吓波，就好正常吖，快啲去！快啲成家立室！

位置搜尋功能令你行蹤無所遁形

咁以下呢番說話就係同「已有家室」嘅朋友講嘅：如果真係有人想追蹤你，只要你全日又開又關軟件，系統會不斷更新你同對方嘅距離，如果對方係心水清嘅人，咁你其實去過邊度，甚至可能見過邊個人，對方都知呢！

香港男男圈子流行嘅軟件，Jack'd、Manhunt、Scruff 等，由於設計上有按地理位置搜尋功能，由 Mobile Devices 移動裝置中之 LBS （Locational-base Service 移動定位服務）技術支援，咁用戶在冇選擇情況之下，佢嘅位置距離就一定要顯示，如果唔係，你點會在軟件上睇到其他人嘅位置？

而元祖級軟件 Grindr 就冇相關功能，雖然同樣可顯示對方距離，但就有選項讓你決定是否公開顯示。系統亦因為不需支援「按地圖搵人」而處理龐大數據，所以對於附近位置所在嘅朋友，可以更精準顯示到雙方距離，甚至在幾多尺或幾多米之內亦顯示得到。

Grindr 應較安全，點知帶來災難

好嘞，戲肉就響呢度！如果係「已有家室」嘅朋友、上呢類交友軟件係一個「不能說的秘密」， 而又咁好彩，就算你 Profile 矇頭冇面，但係就化咗灰都認得你，無論你用 Jack'd、Manhunt、Scruff ，有心人只要將你收藏 Add Favourites（或者再高明啲，唔 Add 你怕打草驚蛇，每次都跟據你年齡、身高、體重等，將你搵出嚟） ，而只要你時不時 Online，你今日大概嘅行程，好簡單順序組織一下，你幾點去過邊度，大概都會知道。

不過，亦因為用戶太多，需處理嘅數據量極為龐大，所以資料更新比較慢，數據很難實時反映，你嘅路線圖及實際時間地點，面目比較模糊。

相反，如果你用 Grindr，理論上應該可以跌落安全網，因為你個 Profile 唔可以用位置搜尋到，只可見到你最後 online 時間。

Grindr 雖然係「老 seafood」但因為佢2009年已經推出，霸佔咗市場佔有優勢，再加上佢殘缺不全嘅功能，反而更能保障個人私穩，所以不計中國大陸，用戶仍然較多。但你要記住，雖然用戶多，但功能少，尤其欠缺地圖搜尋功能，所以處理數據較快，用戶幾時在不同地方 online，距離能夠實時反映。

因此，如果你唔知因為係蠢定懶、定係只識把口講 discreet，但係做人一啲都唔謹慎，而連 Distance Shown 嘅功能都竟然冇關上，咁將會為你帶來災難性嘅後果！你呢個 discreet，可能會變咗好多人都串錯嘅 discrete（分離）！

因為…… 

（賣吓關子先，下回再講）

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

扮嘢扮到底、其實露哂底、自己最蝕底

條目：少咸多趣齊 have fun （樂而不淫、少鹽多 fun）

標題講緊嘅，係由「全民皆 Vers」引申出嚟嘅現象。其實有幾多真係 Vers，大家心知肚明嘅；冇人講過一定係 0 號扮 Vers，亦有可能係 1 號扮 Vers 都得…… 不過，大家又係心知肚明嘅！

由於唔知邊位偉大嘅古人，發明呢個用「其中一種」性交形式（肛交）中施予及接受方嘅角色，界定男男圈子不同屬性。真偉大！不過就多得佢，我哋每次 label 自己時都好似揭開個肚皮俾人睇，上床做咩嘢都要向公眾交代咁。因此，好多人唔會咁坦白公開真正身分，所以 每個人的 self-label 背後，都可能藏著「不能說的秘密」！真正身分，由你去偵查。

係，明白，心照！之不過，有時去到啲關鍵時刻，自己開哂口問人係「底定面？」 雙方要決定「去馬」or not 嘅時候，不如就坦坦白白、做人大方一啲，係邊樣咪講囉。

但係，好多人就好老土又唔老實、扮嘢要扮到天腳底，一來嘥氣、二來無謂、以為人哋唔知，但實際上已經「露哂底」！

你又係Vers? 一句 OIC 之後變失蹤人口

我有一位自稱為「全能好手」嘅朋友，名副其實猛一爽零，佢見世面唔少，亦領教過唔少 「Vers」，仲令佢好激心。

佢話都不知N次，明明對方撩佢傾偈先，開頭態度仲非常熱情。雙方 show hand 之後，副牌係兩個都 Vers！好事吖，最精彩嘅配搭添！

點知對方一句「OIC」之後，就已經失踪咗 ，連影都冇，bye 都冇聲。說好的，熱情呢？咁就唔駛問阿貴，即係自己扮 Vers，仲要以己度人，以為人人都同佢一樣，同流合污！

如果大大方方，話自己比較鍾意墊底，咁人哋又真係 Vers，咁咪立即 You have place? When & Where 囉！仲有呀，依家「僧多粥 (top) 少」，嗰啲「粥」可能都當係「Joke」咁，首先自認係 Vers 先，到傾到入肉嘅時候，先至表露身分。

照咁睇，嗰啲人扮 Vers 扮到底，其實在別人眼中好易「露底」，而且好「蝕底」，明明係有 Chance，就變咗「餐屎」，係差中之差，我哋一齊送佢一個字：抵！

「驗明正 Vers 」 理論公諸同好

由於 deal with 過太多 「扮 Vers 又唔老實」的人，我嘅朋友提出咗一套「驗明正 Vers 」嘅理論，佢話唔介意我公諸同好，俾大家參考。

第一，如果你話係 Vers，佢又話係 Vers，咁幾好吖，可以傾啲到肉啲喇。但佢首先唔出聲，敵不動我不動，之後對方無喇喇又問：You Top more or Bottom more ? / Do you have any preference?
咦，Vers 咪 Vers 囉？仲要問？有古怪！

第二，如果覺得係疑似個案，或者對對方根本就冇咩興趣、最好耍走佢的人，佢會直接鏟過去話自己係 Vers BOTTOM，個字仲要 capital letter + bold，咁對方就立即現形嘞：

1. 一係就話 Sorry not match、
2. 一係就鬼鬼祟祟粒聲唔出就走人、
3. 一係就衰格到 block 咗人，好似人哋欠咗佢咁

佢話如果真係 Versatile，就算偏 0 至 90% 嘅 Vers Bottom，只要有10% 想做 1，都唔會覺得同另一個 Vers Bottom，有任何唔夾之處。

只有從來根本冇企圖或意圖做 top、借Vers 之名招搖撞騙嘅「濫竽充 Vers」，唔只扮嘢仲要扮到底，但其實人哋略施小計，就令佢原型畢露，起清佢個底。

真正 10號 Vers：我有切膚之痛！

佢越講越勞氣，仲講到好激動：

「佢哋生得幾靚、扮到幾正都冇用，你會留意到佢哋成日食白果，然後就埋怨香港冇 Top，Ocean of Bottom。 其實邊到係吖，有時我都唔知幾旺！

其實我用半個 Top 嘅身分講，雖然搵 Bottom，但係我鍾意嘅係男人，唔係女人，但係你睇吓呢啲行為：小家、鬼祟、唔大方、唔老實、仲有就係死蠢，真係女人都甘拜下風、冇呢啲特質啊！所以我鄙視佢哋！

Bottom 太多，分贓唔勻？咪玩喇！你睇台灣大陸嗰啲所謂「公 0」，人哋 Man 到震呀，大大方方打正旗號係零號，大把人溝，不知幾高竇呀。嗰啲學人叫做 Vers 喎！挑！」

嘩，好激，為乜事呢？後來我 find out，因為佢作為真正嘅 Vers，但成日俾人串、俾人揶揄、俾人懷疑：「唉，Vers 咩嘢吖，算把喇，咪即係零？」而同時，又成日見到 「濫竽充 Vers」種種劣行，所以有切膚之痛！

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

中文科 + 動物百科：猴、狒、熊、豬

條目：實用基語潮文成人班（唔識溝通，點樣溝？點會通？）

各位，我哋呢度好多嘢學㗎，一得閒上網就唔好淨係掛住睇男仔、Hi 男仔。男仔通街都係，成日都響度，有啲日日都見佢哋㗎，好似響度返工咁㗎，睇少一次半次！橫掂聽日又會見到佢哋。

俾心機上堂學吓嘢，增值咗自己先，你識咁多嘢、咁博學多才，成個才子咁，散發出書卷氣，到時就唔係你 Hi 男仔！男仔同你 Hi！知冇？

今堂我哋唔教英文，你哋成班都好似鬼仔咁嘞，今日教中文，仲帶你哋認識百獸，係「動物百科」。知唔知咩嘢叫 猴、狒、熊、豬呀？知唔知自己係猴定狒定熊定豬呀？

（一）猴
就係瘦削體形，冇咩嘢脂肪，奀奀瘦瘦咁，但都仲有分，有啲結實啲，有 Muscle 嘅，叫「肌肉猴」、「力量猴」，仲有啲就瘦到好似香雞咁，手無搏雞之力，就係「瘦弱猴」。猴子體形係輸蝕咗，但係都多人鍾意㗎，如果係「美猴」。

用英文可以叫 Thin, Slim , Lean, Skinny
　　
（二）狒
其實就係界乎猴同熊之間， 體形勻稱啲，又唔肥、又唔瘦，體形長長、適中又平衡，唔太肥壯又唔太瘦弱，算係大隻獸之一。如果再比較大件頭，又未去到熊族，就算係「壯狒狒」嘞。

 
英文可以叫 Average, Jock, Fit, Athlete, Toned

（三）熊
壯碩體態、虎背熊腰，是巨型猛獸，予人力量型感覺，品種繁多，主要有：「毛毛熊」、「黑壯熊」、「肌肉熊」、「小熊」四種。

其家族成員亦多，例如雌性荷爾蒙較旺盛的，是「娘熊」、「母熊」，而品種較優良嘅，在香港會被稱「靚熊」、台灣則有「U熊/優熊」

而用英文，可以稱為 Bear, Muscular, Strong, Stocky, Rugged

（四）豬
肥胖體形、脂肪比例超標、肌肉鬆弛、雖體型同樣巨大，但沒有力量的感覺。由於豬在現代審美標準，被視為不太優秀，有待改進。

在被忽略嘅情況下，豬以為在體重上驟眼可與熊看齊，而自稱為熊，諗住魚目渾珠，但係我哋對眼唔係魚目，係睇得出，亦因此，我哋稱之為「豬扮熊」現象。
　　
在英文上，可以稱呼為 Fat, Big, Large, Chubby

以上，係中文世界中，從體形大小對各種動物嘅分類。

除咗「猴、狒、熊、豬」這個比較主流嘅說法，也有人提倡「妖、猴、狼、熊、豬」 這個分類，除咗將「狼」取代個名發音嘛嘛哋嘅「狒」，另外加入非動物類、「妖精」來區分另一類朋友。

但咁唔係唔理想，講到底我哋同舟共濟、四海一家、主內弟兄、獅子山下、血濃於水、一夜夫妻、同一屋簷下、有今生冇來世 …… 唔好咁刻薄，大家都係動物，要相親相愛，唔好恃住大隻就蝦人哋，欺負弱小，知唔知？

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

香港1/0/10亂局 = 叉燒/油雞/叉油雞亂局

條目：少咸多趣齊 have fun（樂而不淫、少鹽多 fun）

再講番香港男男圈子1 / 0 /10 嘅分布比率，莫講話仲未有認真統計，就算有做，得出結果都係「得啖笑」，大家唔駛當真，絕對不能反映現實。

因為我哋習慣咗用一種好局限、具引導性嘅方法，去詢問對方嘅「霖把」，（性角色取向 Sex role orientation）但係，「霖把」究竟係乜嘢、定義係點、如何劃分？其實連自己都唔清唔楚，對方又好似一舊雲咁。咁連發問嘅問題，本身都係一個問題，你覺得呢個結果有幾可靠呢？

「叉燒、油雞、叉油雞」亂局

最終成件事，會變成我形容為： 「叉燒、油雞、叉油雞、蔥油、飯」之亂局

我絕對有理由相信，90% 以上男男在對話內容裡面，會在頭 5 項對答中包括呢條必答題：

“Are you top or bottom？”

~~講完，請回答，計時！

一係叉燒 （1 號 top） 、一係油雞 （0 號 bottom ） 只得兩味！反應慢啲，轉數冇咁快嘅人，咁就是但揀一樣喇！

有啲人醒目啲，識得提出：唔係喎，我兩樣都想食喎，我要叉油雞（10號 Versatile）應該得掛？

咁原本揀咗叉燒或油雞嘅，其實真係兩味都啱嘅，立即紛紛跳船，過檔去食叉油雞；

揀咗叉燒嗰班，見原來可以揀兩味，試吓都冇壞喎，又走去揀叉油雞；

另外揀咗油雞嘅，見原來成棚人都係油雞，心諗應該冇啖好食，點搞呢？不如又去揀叉油雞，咁樣可能搵到食，唔駛捱餓；

之後又有一班人走出嚟話：其實我哋食齋，唔食肉㗎！俾碟白飯我，我點蔥油送飯都得啫？吓，原來都係要收咁多錢？

咁食齋呢班人，一係求其揀兩味叉油雞，一係就睇情況，睇吓對家食邊樣、佢就揀第二樣，希望可以夾到，搵到餐食。

終於，就大多數人都揀哂叉油雞嘞！

終於，燒味店老闆就走出嚟講以下呢番說話：

燒味店老闆：苦口婆心話你知

「唉，呢班人都係自己攞嚟搞嘅，我都原本整好哂一碟碟，樣樣都有齊，好地地。

之不過，佢哋又麻麻煩煩，又話呢樣唔食、嗰樣又戒咗，樣樣都唔啱口胃，淨係要食邊樣邊樣。但把口係咁講，個心又唔係咁諗喎！

叉燒嗰班（1號 Top），有啲原來係覺得 「油雞 」兩個字發音，似女人個 X 喎，佢咁 man 所以唔係，佢係叉燒！之不過其實佢都鍾意叉燒，啖啖肉咁，食過發覺原來幾好味！

油雞嗰班（0號 Bottom），有啲竟然話佢鍾意男人，叉燒先係男人，所以鍾意叉燒， 原來佢覺得油雞同佢自己都唔係男人！？另外，有啲又話，驚唔識食油雞、未食過、要 lur 骨好難食；有啲話自己唔夠力、年紀輕，驚 handle 唔到喎！唉，食雞啫，又唔係叫你劏雞，冇力！

都未算， 叉燒又好、油雞又好，講講吓，原來有啲人唔係真心鍾意食，只係因為有邊樣唔啱口味，所以就揀第二樣，其實問心，兩樣唔食都得，唔駛佢食邊樣就得嘞！

食齋嗰班（N/A 不適用），又有部分係齋口唔齋心，有時又走去偷食。又有啲原來係扮哂嘢，把口話唔食，見到有靚叉燒、靚油雞，咪又走去食？

你咁鍾意分，準備有排要食自己

所以呢，我就覺得分來分去，你唔覺悶，我都覺得你哋好鬼煩！ 根本就冇可能分得勻。分好哂嘞，你又嫌佢冇叉燒、佢又嫌你食齋、你同佢又嫌佢同你成碟油雞！

不如咁，唔好分，一人一碟， 「叉燒、油雞、蔥油、飯」，全部都係你嘅，你可以偏食，唔鍾意食嘅都係你嘅，擺響度唔好理。你同邊個夾啲嘅，你分啲俾佢、佢分啲俾你，咁咪得囉，大家開開心心。

仲有呢個只係食飯嘅嗜好啫，食飯食幾耐？一個鐘半個鐘好未？食完飯咯，咪一齊去睇戲、行街、買衫、打機、唱K，大把嘢做！

你咁鍾意分，仲要分得咁清清楚楚，又要佢都係分得清清楚楚先同佢一齊食飯，咁你慢慢搵、慢慢等，但要有心理準備、有排食自己！」

老闆嘅心聲，唔知你聽唔聽得明呢？

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

快閃過兩招 + 實用基語潮文：由尾讀上去，就知 looking for 乜！

條目：少咸多趣齊 have fun - 快閃過兩招

條目：實用基語潮文成人班

據心理學家話，當一個人偽裝、掩飾嘅時候，就會好不只覺咁，用好多其他嘢去掩蓋，以為人哋睇到，其實為咗俾自己安全感呀！

所以，如果有人將一啲好簡單嘅嘢，拉到好長咁講，咁就可能有古怪，「呢個人相當有嫌疑！」

所以，如果你簡單問句：“What are you looking for？”

“Well, I'm open to anything here. I'm fine with only a chat, and maybe making friends also cool. All depends, really! Hm… just so happen, I have luck to meet a nice guy and we both like each others and also match well in sex, though I am usually not very much into casual hook up, just in case he is also keen to meet, I think I don't mind to have fun.”

寫論文咁，知咩事喇。咁，邊句至係真呀？嗱，由尾睇番上去！用好多嘢掩蓋住，混淆視聽，收到落最底底，佢覺得最安全，「你睇我唔到」嗰個，咪答案囉！

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

香港男男 1/0/10 比率：一個驚人數字

條目：少咸多趣齊 have fun（樂而不淫、少鹽多 fun）

「香港男男圈子，是 0 號多，定 1 號多？」 呢個題目，其實係有啲玩嘢嘅，不過我講明係想大家一齊討論一下，俾啲意見，我又點會有絕對答案呢？

香港其實冇做過類似有系統嘅研究及調查，世界各地亦聊聊可數。但我哋仍然可以從部分相關調研項目上，著眼部分 findings，再對比一下男男圈子中大家觀察到嘅現況，以作為參考。

通常回覆，10號仔最多

其實隨意上網搜尋，都可取得有關「數字」，非常籠統，但就常被引為參考及指標，當中顯示：

- Tops（1號）～20%

- Bottoms（0號）～35%

- Versatile（10號）～ 45%

單睇以上數據，發現我哋以為絕對有資格問鼎冠軍寶座嘅 0 號，原來只係以15% 之差稍為多於 1 號選手。而「騎牆派」10 號仔，在被忽略嘅情況下以較大比數拋離跑出。

咦？有啲古怪。好似同平時大家觀察到嘅現象有啲出入咁喎？

不如參考一個比較全面、有系統，調研項目中最關鍵嘅 sampling 調查樣本，較具客觀性及參考價值嘅：

“Sexual behavior among HIV-positive men who have sex with men: what's in a label?”

呢個項目早在2003年在美國進行，205個參與訪問計劃者，分別在紐約及三藩市招募。當中個人資料分布，睇睇附件。

外國數據顯示，0 號只比 1 號多5%，10號近半數

而點解呢個研究報告有參考性？因為香港同屬於國際大都會、亦算多元種族社會、而報告研究重點： what's in a label？正正係我哋講緊嘅題目。報告中，男男性關係中性角色身分 Self- identification 自我確認，結果如下：

- Tops（1號）～36人 / 18%

- Bottoms（0號）～47人 / 23%

- Versatile（10號）～ 97人 / 47%

- N / A （不適用）～ 25人 / 12%

顯示出 0 / 1 比率更加接近：23% 自稱 0 號，比18% 自稱 1 號，只多 5 個百分點；10 號仔 Versatile 仍然以接近半數 47% 大比數拋離。

更加值得注意是，其實以上可稱為 Self-label groups，佔 88% 。而有近 12% 是 N / A 不適用 ，即是連 1 / 0 / 10 號都不是， 並不進行肛交性行為，不要標籤我嘅 No label group

如果同意以上數據，可按比例代入香港男男圈子性角色分布比率之上，然後再對比我們觀察到嘅現象、體驗到嘅現況時，係唔係出現好大落差？

落差梗係大喇，我哋獨有嘅調查標準係：Are you Top or Btm ? A餐定B餐、非黑即白、只有兩味、兩個只能活一個。

如果係10，英文差啲都唔識答、或者唔記得點串 Versatile , 而Flexible 都一樣，轉數快啲還可以答番你 Both / 10 / 0.5。

如果A餐同B餐都唔鍾意，就求其耍你，做你對家，博會有餐食。

我大膽假設，如果香港有機會進行類似 Sex role self-labels 研究，可能得出極之誇張、不合情理、脫離現實之失衡比率數字，結果令人吃驚。因為我哋未必都能絕不含糊地將自己標籤投放在哪個組別，由於我哋可能在以下3方面，或多或少存在落差：

1. 自我身分認同（Self-identification ）

2. 性角色實際取向 （Actual sex role orientation）

3. 性角色自我標籤（Sex role self-labeling）

以上 Terminology 睇起上嚟好深，如果用小朋友話再講一次：

「你以為自己係咁嘅樣；但其實心底裡係呢個樣；不過對別人就會擺出嗰個樣。」

最終，你唔知道其實自己係「點樣」

同樣，對方唔知道其實自己係「點樣」

但係，呢個好似一個謎 Unknown 嘅「點樣」，原來係你先入為主、考慮同唔同呢個人繼續傾落去嘅第一個門檻、起生死攸關決定性因素嘅「大前題」

你朝思暮想、夢寐以求、日夜冀盼嘅 LTR 、Lover、BF，操生殺之大權就放在呢個「大前題」手中，你有冇覺得心寒？

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

快閃過兩招： 你要知道的「足跡」 ！

條目：少咸多趣齊 have fun（樂而不淫、少鹽多 fun）

快閃過兩招：

大家上網時四圍 browsing 時，都會在別人的 Profile 留下自己足跡，咁你都可能想知邊個打邊個，曾在自己 Profile 到此一遊？

Grindr 係元老級軟件、冇相關功能，咪怪佢。而Jack'd 、Manhunt、「大舊佬樂園」Scruff，就會有喇。

Manhunt 、Scruff 就清楚啲，分別在Track List 同 Viewers 位置，就睇到邊個邊日幾點來過你。

不過懶係多功能嘅 Jack'd，就好無呢頭咁，放在 Favorites 位置，唔知 subtle 定抽象咁，在最左邊一個「行人」Pedestrians 嘅 Icon 內，原來就係個Viewed by List 。記住，係冇文字㗎，係認個 Icon 公仔！

呢個咁有心思又「巧妙」嘅安排，終於有30% 或以上用戶係唔知道嘅！所以從來都唔知原來邊個邊個走過來過佢，原來佢好 like 嗰個，每朝晨雞咁早一起身就來 view 吓佢！

＊如果你覺得以上對你唔係新鮮事，唔收貨，咁我就過多招你補償，係 Jack'd 個Viewed by List 上，有時見到 thumbnail icon 係黑漆漆，以為佢係無相人，原來唔係㗎，佢可能將張相放在第二張，第一張相個位吉咗，所以變咗你睇唔到。

（以上係講緊 Android 機，我已逃離 Apple 集團好多年）

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知。…… Love Actually 其實愛，就在此。※※

見工相（四）- 無相人的後果，一個字：Sad

條目：求愛如求職？倒轉你就識（情場職場原來好似樣）

「無相人」或者其家族成員，由於作風及行為十分「惹」火，在此另闢欄目再詳談。首先以簡單歸類法大分為 3 類朋友：

1. 不願意 或 不準備 send / show 相
2. 不方便 send / show 相
3. 未決定是否 send / show 相

第 1，2 類之前已經談過，不贅。
最後要談第 3 類朋友，即是有相、方便 send、不介意 send，只是一心追求崇高的 Stable Relationship 不希望對方以貌取人，所以先賣關子，大家先談談，了解一下，不要先愛上我肉身，請了解我靈魂。事實上存在此心態的朋友不少，當然有些是真心如此、也有些（跟1，2 類一樣）又以此為借詞。

認識一個朋友，就因為「美麗反成為負累」故意不 send 相，想別人先不看他只會是 Bonus 的肉身，想別人先了解他的心。

我跟他分析過，接近70%人會產生負面感覺而即扑 Block。本身性格極強、條件也很優的他仍不心服，說還有 30% 不 block ，希望仍在，還強詞說正好幫他做了 filter 工作，排除雜質。於是我再向他分析那 30% 是如何優質？

同樣是非正式統計，30% 人收到「無相人」問候，仍不封殺，還 say 句 hi 的朋友，當中包括：

1. 10% 人不會 block，但也懶得睬你，按鍵也要花氣力，他懶做。由於根本唔 care，只會當你透明。隨便坐，自己招呼自己，但不會跟你聊一聊

2. 10% 人不會 block，也回覆你 say 聲 hi / hello。而原因可細分如下：

～ Hi 只出於無意識之反射動作及習慣，正如對待任何來訊一樣，回一句 Hi，而隨後所有答

問，同樣只是無意識之本能反射，鍵入OIC ，然後按 send……

~ 比較有耐性，Hi 是為了 buy time , 再等一會看你是否自動自覺 send 相，如再沒見相，更會客氣問一下，如你再沒反應，同樣會 block

~ 無名火已起，Hi 是最後通牒，看你是否識趣，又看你什麼葫蘆賣什麼藥？默不出聲，亦不會問你。在法定時間內超時，他已準備好台詞罵完一頓後，即 block

～ 既驚且喜，因為好 dry，亦太耐冇開齋，會樂意跟你聊，但回顧內容，是重覆不斷問你（催你）can you show your picture ？如果問完又問都不得要領，難得之希望又再落空，累積的怨氣烏氣將全發向你身上，臭罵你一頓，隨後狠狠地向你全力一扑 block

註1.
須了解，以上各人如本身已存在負面觀感，拖延時間愈長，抑壓情緒只會愈加累積。

註2.
拖延時間愈長，對方只會對你的外觀以至整體的想像，愈加傾斜向自己喜歡的類型，以及符合他當時的期望。每個人理想及期望都較高，也不管自己有否條件設定如此高度。

因此，當你拖到最後終於send 相，但沒有整體達到75-80分之水平；或/及你在客觀標準上能達此水平，但主觀上卻不是他正想像及追求之類形；或/及 你並不能配合到他當時的期望，如他正在找 sex fun，而你卻只想交友，發展 relationship；或/及原來雙方「撞霖」、性角色上並不配對。

綜合各個複合性原因，再加上他當時如果 horny，但花了時間、心機，寄予厚望，但希望落空，你仍然不肯給相，或者相片所見與他當時已形成、而且很 specific 的期望，出現差距。他最後只會同樣 block你，還會將你視為發洩情緒的對象，心裡或口中，由衷地送你 1個中文字，或4個英文字，任君選擇。

3. 5% 根本是虛假的 profile，資料及相片本來就是假的。其實大部分虛假的 profile ,都是跟你一模一樣，是無頭無臉、資料不全，有空上來看看打發時間而矣，作風非常 hea。但如果你不小心，找上了一些相片及資料可吸引你say hi ，而其實是虛假偽裝的，即是比較有企圖和居心的，所以更需當心。他們有可能是：

～ 由男男圈中人所另設，利用此以達致其在網絡上各種目的

～ 非一般及普遍認知的圈中人，但對男男圈中事好奇的人所設，其中可能是未成年男學生、

退休並在公園閒坐的老伯伯、長期臥病在床的病友、女伴如雲的公子哥兒

～ 非男性，是對男性有興趣、而對男男圈中事更有獵奇式興趣的女性，可能是深閨少婦、大學靚女教授、街市賣菜阿姐。因為她們愛看男人，男男性事能引起性興奮，情況就如直男愛看女女做愛。而在這裡，可看到之照片性感尺度超6級、而對話露骨程度難以分級

註. 由於尚未能夠完全掌握以上眾人之動機及目的，所以甚難估計他們對「無相人」會否 block / 回覆。但個人認為，block 你或不予回覆，將對你較為有利

4. 最後 5%  有部分因為網絡傳輸的問題 ，根本他沒有收到你對他的問候； 另有部分，可能會在2周，或2個月，或8個月之後才打開相關軟件件， 他可能仍會一看到立即 block ，又或

者回覆 hi / hello，之後雙方由 “Did we chat before？When? I have no idea” 開始，進行一次交談，但需要有心理準備，對話會隨時中止， 在2周，或2個月，或8個月之後，再啟動對話，而同樣由 “Did we chat before？When? I have no idea” 再開始

我的朋友聽完我有關推想、預測、分析之後，已放棄以「無相人」身分跟別人問好，免再受 NPNC 條款所制約。但他選了一張玩機動遊戲時被拍到，面容扭曲，完全不像其本人的照片，他仍希望別人不受他外貌所吸引，先愛他內心。

這是很好的一大步，也進步，從此可以脫離人人喊打的「無相家族」。

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

快閃過兩招：揭穿無面人、古怪人真身

條目：少咸多趣齊 have fun（樂而不淫、少鹽多 fun）

「快閃過兩招」之簡介

「首先簡短介紹吓呢個《快閃過兩招》係乜嘢一回事先，即係快手快腳，講吓一啲<搵人搵波>時，可以運用到嘅醒目招、蠱惑招，等大家學精乖一啲。

雖然一啲係好實用、點醒吓你，但有啲就旁門左道，不過唔係想教壞你，只係有「警訊」嘅精神，等你知道啲壞蛋通常會點樣做，得個知字、提防弓及警惕。

快快口講完、就快閃嘞，大家醒目嘅就心照，費事越講越多，倒返轉教精啲壞蛋，變咗過兩招俾佢，咪捉蟲入 pat pat？

講完！上面唔算呀，咪 count 我話我長氣、死唔斷氣呀。下面開始計。」

Filter 功能全關，無面人真身立即現形

好嘞，第一次見面禮，俾啲 common 嘢醒吓你先。 大家成日都會同無樣人、古怪人周旋，佢哋又唔係冇相、但係就唔 show 樣住、賣關字，而個「波 dee」又幾ok，stats 又啱口

味。。。。

不過你自己可能都 show 「波dee」，冇得大條道理叫人「開嚟見我」！敵不動、我不動情況

之下，邊個開聲先就好似蝕綽咗。點呢？

嗱，學嘢嘞！呢個時候、冷靜啲，首先記住對方嘅距離先，又留意吓佢周圍有咩嘢街坊，你冇記性就 screen capture 。之後走去 switch off 哂 filter 功能，即係幾多歲、身高體重、online 定 offline、有冇photo 等，全關！

然後去番佢所在距離，你可能會發覺，佢身邊，可能仲幾 meter 之隔，有啲剛才睇唔到嘅 profile，可能就係佢另一個profile，甚至係真身添。（係咪有靈異 feel 呢？）

其實又有手機、又有 iPad, Tablet 幾出奇？或者一部手機，先後 log in 都得啫。兩部機，一部就 show 樣，正正經經交友、搵「長關」（LTR 長期關係）；另一部？精彩咯、豪邁又「賓」放、真我表現齊來 fun !

呢啲，咪「照妖鏡」囉！

你會問，你點知佢哋係同一個人呢？唉，咁你都要做吓「金田七」，對比吓兩者個人資料、寫嘢嘅行文用字、張相啲背景、online / office 先後時間… 有時遇到啲高手，真係要 by feel 、推理先至搵到破綻㗎。

我閃喇、唔講咁多，自己執生喇！

（邊走邊講：不過好多人好懶、好蠢、又好老實㗎，唔識將兩個 profile 改頭換面，求其轉張相就算，真係連盲嘅都睇得出：咪同一個人！～～～～可能連你自己都係一樣呀～～～～～閃喇～）

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

你估香港 0 號多，定 1 號多？

條目：少咸多趣齊 have fun（樂而不淫、少鹽多 fun）

有一個問題，其實想問問大家意見，而且，我相信好多人都有興趣想發表意見，又好想知。

不過唔知點解，我只係單憑想像，腦海已經湧起以下對答情境～～～令我覺得，做出發問呢個動作同行為，好似多此一舉。

點都好，問咗先，其實我係想問：

「香港男男圈子，是 0 號多，定 1 號多？」

而我想像到嘅對答情境係… （請大家加啲想像力，幻想吓佢哋嘅語氣及表情）

「hmm…… 我覺得你問呢個答案咁肯定嘅問題，一定有蠱惑…… 」

「你咁問，等如問非洲人口最多，有1億7千4百萬人嘅尼日利亞全境內，尼日利亞人多，定香港人多呢？你唔駛答，我立即同你講：如果你搵到一個香港人，我寫個服字俾你！」

「吓，乜香港歷史上曾經有過1號㗎咩？唔係傳說嚟㗎？」

「咪玩喇，如果有1號？我啲咁嘅貨色會搵到食？我個 booking 去到聖誕喇，係2015年聖誕呀！」

「你咁想玩，我同你玩大佢！如果 1 號多過 0 號，我發毒誓咒自己呢一世都冇得俾男人 X！而且我唔怕輸，因為結果都係一樣！」

答案，真係太過一面倒嘞！不過如果真係咁順滑、又點輪到我扭來扭去呢？

其實我拖咗咁耐，明眼人都知我正在 dum 波鐘。呢個咁震撼性嘅話題，梗係想吊吓你哋癮先。我想大家快啲 bookmark 咗呢個 Blog 先，最好你按訂閱（唔好誤會、唔駛錢）等有新 post  發表時，可以有 notification 通知大家、同埋可以方便作出分享。又或者，在 facebook 加我 fanpage: www.facebook.com/gay.love.actually 有新 post 時，你隨時可在面書看到。

答案。。。 係有點令人O咀，分別喺大O定小O，總之係出人意表㗎。睇完之後，一定會對香港 0 號 1號比例更加了解。而且，對你眼中嘅佢、佢、佢…… 有更透徹了解、摸清佢個底！

記住 share 埋俾 friends 呀！

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

由今天起，人人齊來「以貌取人」

條目：Love Actually 其實愛（懂了愛、才懂去愛、才懂愛）

男男圈子，人人都「以貌取人」嗎?

是的，這是肯定。因為男男、女女、男女…… 都是人，是凡人。

凡人只有肉眼，看到的是對方的軀殼，不是靈魂。

除非有天眼。除非會通靈。除非不是人。

惟此「貌」不僅指美貌，是整體外觀予別人感覺，包括儀容外表、談吐舉止。

凡人層次沒那麼低。不要貶低。

凡人有要求、有品味、有堅持。而且很高。高雅也高尚。

「品貌端正、言行得體，已取其貌。然後看看靈魂有多美、多吸引、多迷人。靈魂不美，就是不美。」

就是要求、就是品味、就是堅持。不高？

也有人，而且很多人，更高。貌一定要美，不美就沒貌、沒貌就不愛！

絕對堅持、絕不退讓。無論自己美與不美、總之要美、鐵定愛美！

誰可厚非？干卿底事？就是人權。

但美，從來主觀。主觀程度至：

菩薩緊抱冤（蔫）臭的豬頭，愛不釋手，不忘申訴：誰說我鼻盟（盲）！就是美！

這個品嚐熊掌、那個細味砒霜，津津有味、不住讚嘆：真太美！

百客買百貨、百貨有百客、貨客互選擇。

美沒有標準、肯定主觀。
不美卻有標準、絕對客觀！

哭的人很醜、不快樂的人更醜、心惡毒的人最醜。相由心生。

笑令人美一點、快樂令人再美一點、心美麗令人更美一點。一點再一點。相也由心生。

真的嗎？心美，會令人美一點？當然，除了更美，還更有魅力，是懾人的魅力。如自信。

沒自信的俊男、和充滿自信的醜男，看起來原來是差不多的；再談起來，醜男更有味道；再了解多一點，醜男的內心，美得令人著迷。

到了有一天，醜男猛然發覺，原來很多俊男會喜歡自己；再談起來，俊男語言頗泛味；再了解多一點，原來壞心地；再觀察多一點，自信輸一地。

最後唯有對俊男說：我唔適合你，我哋有距離。

贏，咪就係贏響呢度囉！

美貌，是上天賦予的美。
笑，快樂，心美麗，有自信，是自己修來的美。

不要抗拒以貌取人、不要害怕以貌取人。

因為人人都可以美，所以人人都能夠有美貌，最終人人都希望、大家必需堅持：「以貌取人」！

永遠緊記：

「外貌是決定人們能否走在一起的因素；
　內涵是決定人們能否再走下去的關鍵。」

以貌可以取人。
以貌也可以捨人。

不一樣的貌，就是不一樣。

※※ 這一刻感到正能量嗎？何不轉寄推介予那個你想起的人？人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

見工相（三）- 老闆心聲：最憎人CV冇相！

條目：求愛如求職？倒轉你就識（情場職場原來好似樣）

承接上兩期點，「以貌取人」是不爭事實，但此「貌」泛指儀容外表、言行舉止。無分你我、誰不相貌？包括自打嘴巴者！而且，就算以「美貌」取人，也是個人權利喜好，不容別人批評指點。

既然睇樣，點可無相？NPNC 搖身一變成為天經地義、情理兼備。況且，別人需要的 Pic，是指屬於你自己的相片，以確定真有其人，尚未去到「曬冷」show face pic 之前，雙方還有空間，可能未看樣已中止會談，再無需要交換。

不願意 send 相？人哋啲相你又願意睇？

無可否認，很多人因工作、家庭或個別原因不方便 show 相，亦有很多朋友「因偷食唔可以見樣」。其實大家心照不宣，但「不方便」及「不願意」是兩個概念，不要以為可以魚目渾珠，得過且過。如果是「不願意」的朋友，那就是：

「很不願意做別人願意但你又不願意人們的願意只願意做別人不願意之你願意但沒人願意」

是否覺得以上句子很煩、很混亂？是的，你給別人的感覺就如此這般。世事、生活已很紛亂，請不要再為別人增添煩惱，算是功德。所以上來看看就罷了。而以下的，雖與你無關，但可以參考。

不方便send 相？你嘅理由，其實關我咩事呢？

如果是「不方便」的朋友，請明白這個不是護身符、擋箭牌，任何多充分的理由，都只是你個人的理由，與別人無關。不過現在你是在做跟別人相關的事情，就請擺埋一邊。有時候，你在找的根本就只 fuck & leave only，你的理由別人不想知也不願聽，在整件事當中，價值是零。不如，盡快 show 相吧！

況且，坦白講，各位「無相人」朋友都是不找同類的，見樣覓食，當你決定做出主動搭訕之動作，相信你已經衝破重重枷鎖、心理關口，沒 100% 都 98% ，確定大家互不相識，對對方有信心。這樣很好，那，不如，盡快 show 相吧！

如果你仍然「懵盛盛」，心中費解為何別人總要先看相，才肯跟你聊？要不就 Block 你趕盡殺絕？肯定全部以貌取人、搵人開波、講樣唔講心！唉，點極都唔明！畫公仔，原來真係要畫埋條腸……

在此以求職為例，公司公開招聘，列明必須附寄個人近照，否則不作考慮！不過仍為數不少無相人「博大霧」，當時運高、睇唔到。但當僱主收到你封信，心路歷程，原來是這樣！

代入老闆身分，就知點解咁憎「無相人」

1. 盲樁樁、懵盛盛、叻極都有限（負面）

2. 唔尊重人、唔尊重自己，嘥自己時間、嘥我時間，嘥氣！（負面）

3. 一啲誠意都冇，做人唔慌認真，玩吓玩吓！一封信改過個公司名、抬頭就四處send，吓？公司名都寫錯？（負面）

4. 仲有，語文程度超低，英文睇唔明？中文寫明喎，又唔識？一係文盲、一係智障，理解力

及認知有問題！（負面）

5. 唔駛問，一定醜樣到無倫，冇面見人！靚唔唔靚呢啲嘢好主觀，不過呢啲人就肯定冇自信，難成大器！（負面）

6. 睇吓份 CV 有咩Quali ? Ivy League Graduated ? 講呀？英文會咁屎？做過大行？作得就作喇！啲大行要請啲最 Smart 又勤力嘅人喎！哦，做得嗰4個月，唔駛審都係俾人炒出嚟喇！抵死，無藥可救！（負面、質疑）

7. 咦，唔係喎，無喇喇冇理由咁得閒 send 封信過來，有古怪。。。 唔知係唔係人哋睇到我話開個新 position，做埋啲小動作，乘機問長問短，收風攞料！總之不懷好意、立心不良！ （負面、質疑、不安、抗拒）

8. 諗吓諗吓，都係有啲驚，正正常常嘅人，唔會花咁多精神，搞啲咁嘢… 都係快手快腳 delete 咗佢，唔知呢啲人係唔係痴線㗎，個 email 如果有 virus 整壞我部電腦、或者 capture 哂我公司嘅資料。快啲delete，呢啲人見到都眼冤。（ 負面、質疑、不安、恐懼、抗拒）

你以為善意Say 聲 Hi，點知人人憎到你入骨

僱主獨白：

唉、幾時可以請到人呀？心急死我喇！啲人見極都冇個啱！有啲出哂offer，俾哂好 terms，見完又話唔啱，唔嚟做。

唉，其實我都唔駛要靚仔靚女，我自己中小企，自己知自己事。其實我根本唔睇樣，有齊眼耳口鼻，做嘢認真勤力、做事有交帶、諗嘢正正常常、講嘢有紋有路就得喇？靚仔、靚女？最憎！冇一個做得長！

不過最乞我憎，都係呢啲唔 send 相嘅人！我已經咁心急，以為有人有興趣見工，點知又係嘥哂我啲時間，空喜歡一場，正一廢物、渣滓、浪費地球資源、影響生態環境 #＆%¥@＆%＊£×

（ 負面、質疑、不安、恐懼、抗拒、怨忿 -> 將積壓的負面情緒轉嫁 -> 形成討厭以至仇恨的對象）

各位聽完以上老闆仔的心聲，相信可以了解到，為何人人都眾口一詞，高呼 NPNC？

很多人口不對心：「上網識人？嘥氣喇！邊會有人認真㗎？我冇你哋咁多時間、咁好氣！得閒上嚟八卦吓啫！」觀眾席響嗰邊，自己招呼自己，無人會理會、干涉你，或者已經 filter 了根本看不到你存在。但如果姣婆守唔到寡、不甘寂寞、躍躍欲試、落場參賽，四圍撩人傾偈，其實你嘥完自己時間、嘥埋別人時間、又令人勞氣激心。

因為一個你不以為意、漫不輕心的 Profile：無相、有相等如無、四肢不健全、info 不齊全，走去跟別人搭訕，這動作等同於 send CV 去見工，誰知人見人憎、人人喊打、扑 block 到你傻。其實，為乜呢？你出來工作，原來都係咁樣㗎？

然後如果你忿忿不平：「啲人淨係識得block 人㗎咋！上網識人？嘥氣喇！邊會有人認真㗎？」

信唔信真係拉你去出爐鐵打鐵專區，打你一鑊金？

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

勁啲、出力啲、唔好俾佢停！個 Blog 啲內容呀！

條目：寫字狂講心嗰句（喜怒哀樂、嘻笑怒罵、不吐不快）

生育過的女人口頭禪第1位：「未生過仔，你都唔知嗰種辛苦法！」我以為今世生而為男人，不用生產，可幸免於難。就以為。

生仔 10 級痛苦，我已臥薪嘗膽親身體驗，完全了解到女人由性交到懷孕，以至安胎、分娩、生產，最後順產出世…… 抹一額汗！到現在坐月、調理身子之際，含笑望著 Baby 安靜酣睡、荏苒成長。突然間，心裡一沉，驚叫：「天啊！我要餵幾多奶，仲要有幾辛苦，至揍得佢大呢？」產後抑鬱，由是而生。

情況與此 Blog一樣。發完姣，寫完一大堆東西，自我感覺良好，文字自慰 Happy 過後，心大心細想想：胚胎已成形，不忍看見自生自滅，而且今世應該沒機會生仔，我自問不太差的基因無以為繼…… 做個有支柄仲有留鬚嘅娘親，好似幾型咁！

於是把心一橫，貫徹做人、做事、做愛、做咩都好…… 一定要令自己滿意及 Happy 之原則，搞起這個 Blog。

然後自己知自己事，日以繼夜、廢寢忘餐、埋頭埋腦，連「天菜飛來蜢」撲來撩 fun，竟然婉拒：I'm busy at the moment, maybe next time !

皇天不負有心人。男人始終有著數，不用十月懷胎，前後一個多月搞定，勉強生得出來，不致難產、胎死腹中。10月9日，一個帶點諷刺、與別不同、從未被紀念過的周年紀念日，靜悄悄地誕生。

Online 上線試行兩個星期，上載下載終於順暢。文多沙石、執完又執。生成辛苦命，又整多部手機，下載所有手機及網絡「交友撩波」軟件，再承傳本家族「重桃花 + 帶偏門」之邪牌風範，用順手拈來、看見令人噴血之猛男照片，對準目標觀眾群掃射，只為博取更高收視，希望盡快量盡吸睛（吸引眼睛），引人入性、惹來關注。我最喜歡聽到大家的反應是：「勁啲、出力啲、唔好俾佢停！」

過得自己（重點）過得人（好難實現，但通常過到），內容板塊終於成型及落實，趕及10月最後一日大功告成！hmm…… 各位應該會收貨，今日誠意呈獻：Love Actually 其實愛……

網誌內容、7大板塊：

1. 寫字狂講心嗰句
　~ 喜怒哀樂、嘻笑怒罵、不吐不快

2. Love Actually 其實愛
　~ 懂了愛、才懂去愛、才懂愛

3. 實用基語潮文成人班
　~ 唔識溝通，點樣溝？點會通？

4. 出爐鐵不打不心息
　~ 唔打唔安樂、有錯唔改再打多鑊

5. 21世紀網絡情仇愛翻天
　~ 屎屍式男男愛情短篇連載

6. 少咸多趣齊 have fun
　~ 樂而不淫、少鹽多 fun

7. 求愛如求職？倒轉你就識
　~ 情場職場原來好似樣

以上獨白驟看語調輕浮、只是慣了自我解嘲。其實心血誠意之作，箇中理念構思，明眼人、清心者，一瞥心知。

今天這個 Blog，懦幼弱小，像嬰孩。盼得各位給力支持，得以健康茁壯成長。

閱讀後感覺良好，請轉寄及推薦給腦海浮現過的人。

人影響人。你每天正不斷影響身邊不同人，只是有所不知。但你更不會知…… Love Actually 其實愛，就在此。

見工相（二）- Send 錯 Photo 搵錯工！

條目：求愛如求職？倒轉你就識（情場職場原來好似樣）

情場如職場，NPNC 的確言之成理見應徵者，須知道僱主資方對求職信的處理十分謹慎，所謂同行如敵國，來信可能是收集情報，尤其開設新職位，同行藉此刺探詳情，得知其公司動向發展；又或者，求職者實非誠意應徵，只想打探市場行情、問咨個人身價。因此不附照片，除了欠缺誠意，也是心虛表現，一律就當賊辦，寧缺毋濫。

因此，如果有心誠意搵工，必需有心理準備附寄見工相；如果搵人，雙方請公平公正公開又透明，各自事先準備好見工相，隨時 show hands。不過，千萬問題由此發生，send 錯 （或 show 錯）photo 搵錯工，每分每刻正在發生！

MoonWalker 應徵律師、斯文西裝友想做 Dancer

情場初哥？或者甚少求職搵工？讀書時申請入學定必試過，投考演藝學院學戲劇、或者教育學院當老師，提交相片也應不同。同樣，想找什麼工、想搵什麼人，就應該配上合度適當的輔助補充資料，讓別人更清楚了解你，大大提高成功機會。

以搵工為例，對比應徵舞蹈員 Dancer 或事務律師 Solicitor，無論 CV 履歷的形式 Format、內容 Content 、陳述方式 Presentation、以至附件個人近照，應該大有分別。總不會以扮 MJ 表演 MoonWalk 照片應徵律師，或用斯文穩重西裝 look 說自己舞藝精湛、真是Dancer人才！

不論如何，總比風景名勝、可愛動物或無名死物照片為佳，僱主收到只會瞠目結舌、啞口無言。O 哂嘴！

無頭大胸人求真愛、溫文貴公子玩 18P Group Fun

以上看來不可思議，其實網絡天天上演，令人哭笑不得，極盡喜劇效果。很多人矇頭斬首、波濤「胸」湧、姿勢撩人，一副撩人開波戰鬥格。原來心底深處正期待真愛降臨、遇見正氣王子或純潔公主譜奏戀曲。不過隻字不提、讓你猜謎。

那邊廂，溫文儒雅的貴冑公子、或是陽剛活潑的健康男孩，娓娓分享嗜好興趣、交友期望。但劈頭第一句：Want fun? Have place? Group sex orgy 18 guys here now! 又愛上 Chemistry 化學科、更喜歡嬰兒最愛 BB。

接著各類家禽野獸，也跑出來想與人類 have fun，make friends；最後連巴黎鐵塔、自由女神、海灘白雲也懂說話，柔情問句：what r u looking for? top or btm?

無奇不有，歎為觀止，問你死未？連交友「見工相」都搞錯，難怪人人都話搵人難。

謎團解開：原來人人唔知來搵乜、同為乜！

搵工求職，我們基本上目標明確、方向清晰，亦很了解本身定位、相關工作及僱主的期望及要求，所以很少 Send 錯 Photo。

然而男男求愛交友，無論你、我、他，很多時目標方向全不清晰，別人期望及要求，更如世紀之謎、神秘難測。因此相片出錯，非戰之罪，不應苛責。

有問題必須正視及解決，Problem Solving 一個有效方法，是查找、確定 Root Cause 根本成因，所以如果認同：1. 自己目標不明確、 方向欠清晰；2. 不了解別人期望及要求，就是 Root Cause，那就好辦，可以層層拆解。

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※

見工相（一）- 求職者請附照片，否則 NPNC

條目：求愛如求職？倒轉你就識（情場職場原來好似樣）

人們批評男男圈子以貌取人、側重外表、不理內涵。事實上，無論男男、男女、女女或什麼形式關係，外形肯定是考慮因素之一，絕非男男獨有。這是個人偏好選擇、無可厚非，只可說男男更加側重外形長相而已。

所以大聲疾呼者請調低音量，撫心自問是否不看外表、只講內涵？高矮肥瘦無拘 、任何類型不限？越大聲浪，自打咀巴只會更響。

放眼現實，就算求職搵工，各行各業各工種，對儀容外表有特定要求，絕對以貌取人。

有些人想不通，當別人要求照片，就認定對方以貌取人，looking for fun，不能苟同、不予妥協，絕不 send 相！如有誠意，可先見面。

但請想想，是否大部分僱主都聲明應徵者必需附上個人近照，否則不作考慮？難道只有男男圈子才會 NPNC， (No Picture No Chat) 而僱主們都 looking for fun，nothing serious？

極品求職者：絕不 Send 相、安排 Interview 就可見樣！

既然各工種有個別外形要求，篩選過程中如不見照片，憑何甄選？你可以表明： 本人不附照片，非因外形素質不佳或不符合要求，惟不認同單憑外表判斷工作能力。請先參考相關履歷，以及提供面試機會，到時面見本人，自有分曉。。。（HR 心想：唉，又一傻人！）

此外，就算職位不設定外觀要求，見工相亦需提供。須知道，政府機構或各大企業每有空缺必吸引成千上萬人求職應聘，而求職信都是千篇一律的學歷和經驗。如最終篩選了20個最能符合資格的候選者，而面試名額只有10個，唯有憑照片進行挑選，真正以貌取人。

俊男美女是否必定脫穎而出，不著眼內涵與實力？那請想想陳方安生、曾蔭權年青時有多美麗英俊？其實只需要品貌端正、言行得體，就已經符合要求。反之，女的絕色美艷、男的非凡俊朗，也許是求職拌腳石，僱主可能情願挑選平凡中庸者，只怕留不住非凡出眾的美女帥哥。怪你過分美麗。

各大企業如此，中小企亦然，各僱主都有個別要求、取向、偏好及權利。有一天自己當上僱主，做法依然。將見工相概念代入求愛交友過程之中，就發覺交換照片作為配對，合情合理、理所當然。

選美落選佳麗：怎可以貌取人？我心有不甘

而不落俗套、拒絕 send 相的骨氣漢子，其實只是「諗多咗」，因為連被篩選的資格也沒有，求職信只會直接被丟進資源回收筒，等待被清空。花了自己心機時間、枉費期望，也勞煩別人按鍵刪除、佔用人們儲存空間，非常無謂。

然而有些人並非想不通或諗多咗，而是渾水摸魚， 以反對外形掛帥歪風、不找 casual fun 、追求 LTR、for friends only、discreet 為理由，不願給予相片。不過從觀察、經驗上不難發現，他們外形長相，其實心裡有數。 雖說理由、實為路人皆知的藉口，亦是令其自身感覺良好之 comfort zone。

有些時候，例如 random hook up, causal sex date，本來以貌取人幾乎是唯一標準、合乎情理。既要參與遊戲，又不量力而為，或者拒絕 send 相跟隨遊戲規則，終致落選或被取消資格，然後放聲批判：「此圈人人以貌取人，膚淺無知！」

情況，就如名落孫山之選美佳麗，召開記者招待會，哭成淚人：我心有不甘、你們以貌取人！

旁人看在眼裡。無語。。。

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※

哭泣的波蓮 The Crying Pauline

條目：出爐鐵不打不心息（唔打唔安樂、有錯唔改再打多鑊）

本刑期受打出爐鐵 ~
Paul (又名 Pauline、密友戲稱：大波蓮）

干犯罪行一覽 ~
傲慢 / 無禮 / 恃靚及胸、在 Gym 和網絡上四處行兇 / 假 1 真 0 又唔肯認、死要扮 1 哥先覺得勁 / 浪費青春、Kill 人家時間

大波蓮案件細節重溫 ~
有時我哋在 Gym 見到啲朋友黑口黑面、用眼尾最尖位置去望你時，唔好驚、唔好反感，其實佢哋係好人，好克制咁令自己 behaved，咁樣係為你好，咁你至會 behaved、為大眾好、為社會好、為香港好。

佢哋好清楚，塊面黑成咁，人哋行近啲都好似要俾佢打一鑊咁，不過全場焦點同目光仍似 spotlight 咁射向佢（其實係睥住佢，同想打鑊佢），如果佢好 nice 咁同你笑一笑，恐怕會引起哄動、群眾集結、引來千萬人來「佔占」，影響其他會員，製造社會混亂。為了萬民、苦了自己，唯有犧生「笑」我、成全大我。

好似阿 Paul。高大健碩、虎背熊腰、皮膚黝黑、外型冷峻、刀削面型、濃眉星目，堪稱嫩版靚版改良版杜德偉 Alex ～～～

為免引起公眾哄動，Paul 在 Gym 時刻保持克制，從來不苟言笑，黑口黑面。在紅磡「揸兜」做完 Gym 後，習慣步行至火車站附近嘅屋企，加上成日黑衫黑褲、黑口黑面，曾經有人懷疑佢任職殯儀業禮儀司。

世上能見證佢係識笑嘅人，只有幾個好朋友，真係死一個少一個。據佢哋形容，其實 Paul 嘅笑容都幾鬼燦、同好爛。佢哋親密又投契，互相以衰婆、八婆、臭 X 相稱。有時玩得忘形，閨中密友一手爪落 Paul 厚實嘅胸肌上，然後大叫：「你個死人<大波蓮>吖！」 Paul 笑得更加燦、極之爛。見佢咁高興，咁我都好親切咁，叫佢做波蓮。

鏡頭一 zoom，睇真啲？波蓮手機上3條可愛嘅「大口仔」手機繩，已經好 subtle 咁顯露亦出賣咗佢嘅真性情。係，波蓮係有純真嘅少女心，每天都期待「騎著白馬披著白絲巾」嘅王子出現。

其實佢咁 cool，係自覺一直以來艱苦經營嘅鐵漢形象不容打破，唔可以功虧一簣，在 Gym 露出馬腳，所以佢緊張到著住衫褲去沖涼，之後換衫，要打埋條 tie 至會行出來，絕不想別人摸清佢個底。

亦因此，所有手機 App 就係波蓮釋放自己、表現另一個我嘅舞台。呢個表演場地，佢可肆意地、奔放地讓澎湃肌肉舒展，放任地擺出唔同誘人嘅 pose ，指尖輕輕掂到你夢寐以求、不過發夢冇咁早嘅部位，另一手揸住手機拍照，3個「大口仔」不住搖晃，好純真、又誘惑！呢一輯，不如就命名為「純真誘惑」！照片效果，經常勁過杜達雄寫真啲「磨dell」。

如果以為波蓮係豪放隨便嘅人？你層次只可以說太低。佢有一個信念，絕對不會表露佢追尋 LTR 嘅決心、以及保守嘅性觀念，佢認為世上能夠識破佢真身嘅人，至係真正智者，才是真命天子。波蓮發過誓，貞操要在結婚簽紙當晚，飲過合巹交杯酒之後，才讓王子佔有。

佢之所以外表開放，係要對找 fun 眾男加以特訓：等我引到你哋班死佬 horn 到爆，到喉唔到肺，又唔俾你得到我！啍，絕不妥協屈從。佢報復心真太重：等你哋 fun 吖嗱！問你死未？等我 Block 你 ! Block 死你 ! Block 咗之後 Unblock 再 Block 多次！我成世都未扑過人 ！

年復年月復月。波蓮在各大 App 舞台上長袖善舞、顧盼自豪，但有時影自拍照影到扭親腰骨你又唔知；長期荷爾蒙失調，成身皮膚乾到龜裂又抓到見血；最慘係身體有些部位因為成日封哂塵，好似鋪咗蜘蛛網咁，而飽受「蛛芒真菌 dry 孢子出血膿瘡」感染而需長期服藥，令心情常跌落谷底。

身體嘅痛，絕非內心苦痛可比。長年累月，鐵漢形象吸引唔少豪放、奔放、開放又好放嘅公主熱烈追求 Yo~~~ 佢又不能表露真身，有時被公主抽水都只能啞忍；另外佢怕甜，唔鍾意飲豆漿，但啲公主都只能陪佢一齊磨完大豆飲豆漿；想食芝麻糊、但次次都只係食到炸糊，弄至精神抑鬱人憔悴。

有時候時運高，終於有啲 Potential 王子，能勉強符合到180cm / 76kg 呢個最低要求，而不介意波蓮 186cm / 85kg 身型，又夠力將佢拋來拋去，好似耍雜技咁，以及：

個人資料內，至少有以下文字或組合其中 5 個：Muscular Fit Gym Workout Weights Lifting Body Training Jock Athlete Mascular California Physical Fitness First Pure Tom Turks Power Energy Body Combat Pump Yoga Palates Machine Pad Trainer Locker Changing Room Curtain Sauna Steam Sofa Reception Membership Member Group Exercise Cycling Bicep Tricep Sit-up Push-up Chests Abodmen Abs Six Packs Dumb Bell Toilet Male Female Caution Slippy Floor Escalator Shampoo Shower Gel Conditioner，以及：

一定、必定、絕對、肯定、冇得傾、不妥協、冇可能退、冇中間方案，要係 Pure Top / One / Top / 1 / 1號 / 攻 / 一哥 / 純一  / 猛一 / 齋一 ；而再下一級嘅 Mostly Top / Mainly Top / Usually Top / Always Top / Prefer Top / Vers Top / Vers / 10 / 都可 / 可攻 / 偏1 / 沒偏，全部唔收貨；再以下層次等級，don't waste your time please, don't expect my reply. 因為佢係最上品嘅等級，以及：

呢個王子要同時喜歡「大口仔」或至少一種 Sanrio 系列公仔；加上唔介意同佢一齊去扭蛋；而最最最緊要，係頭5次去街，唔可以俾佢聽到個 fun字！就算同音：分、紛、婚、昏、汾、氛、芬、薰 、fund 。。。總之所有同音字都唔准 ! 佢最憎 fun ! 唔要 fun !

但一個一個王子，其實未見過波蓮嘅真人已經失跡。有啲傾咗一次電話、在App 傾咗一陣、個個都已不蒲頭，再揾唔到，因為 Block 咗波蓮。一次又一次被 Block 令佢傷心失望，終日以淚洗面。

有一日波蓮滿懷心事步行回家，行經殯儀館附近，前面整路封咗路，波蓮突然感懷身世：吓？又BLOCK? 你哋好鐘意 BLOCK 咩，又唔見搵人扑吓我？BLOCK BLOCK BLOCK !

坐在馬路放聲大哭，好淒涼！孟姜女哭崩長城咁滯，仲大聲過殯儀館裡面靈堂嘅死人哭聲。好多家屬聽見，紛紛走出嚟八卦吓，睇吓邊個喊得仲淒涼過父母過身。

眾人紛紛扶起波蓮，仲要向波蓮致以反向式安慰，叫佢「節哀順變」，仲問：你死咗邊個呀？波蓮大叫：我死心呀！

此時，剛好一輛靈車經過，先人係外籍西婦老婆婆 Mrs. Raphaelson，殯儀職工為佢譯作「羅芙妮申氏 - 出殯治喪」。波蓮見到車頭「羅芙妮申」幾個大字，突然發咗癲咁對號入座，情緒即時崩潰爆發！

「吓？我依家咁慘，你哋仲要笑我？ 羅芙妮申？即係"攞苦嚟辛"？我真係"攞苦嚟辛"咩？依家好好笑咩？」

～完～

※※ 這一刻感到正能量嗎？何不轉寄推介予那個你想起的人。人影響人。你每天不斷影響身邊不同人，只是有所不知。但你更不會知…… Love Actually 其實愛，就在此。※※